Доколку посветите внимание на листата состојки на различните препарати за нега на коса, сигурно ќе забележите бројни растителни екстракти како камилица, рузмарин, лаванда, нане, жалфија и сл.
Можеби веќе добивте идеја дека и самите можете да направите раствор за испирање на косата?! И зошто да не?!
Навистина и самите можете да направите раствор, кој освен што благотворно ќе делува на кожата на главата, ќе и даде и дополнителен сјај на косата. Во зависност од типот на коса можете да користите невен или камилица (за сува коса), нане, маточина или жалфија (за масна коса), рузмарин или мајчина душица (за поттикнување на растот).
Како да го направите растворот?!
Во еден литар провриена вода додадете 2 лажици чај или 5 филтер-ќесички чај по избор и оставете да отстои десетина минути. Потоа процедете го чајот (доколку е потребно) и оставете го да се излади. После секое миење на косата со шампон, прелијте ја косата со чајот. Откако ќе го направите ова не е потребно испирање на косата.
