Ако сакате да разговарате сами со себе, не мора да се плашите дека сте „забегале“, смируваат експертите од „Psychology Today“, кои, всушност, и ја препорачуваат оваа техника за подобро снаоѓање во голем број на ситуации.
Разговорот му помага на умот да ги игнорира работите кои му го одвлекуваат вниманието и да се фокусира на задачата која ја извршува во моментот.
Обраќањето сами на себе помага и при учењето.
Наместо само да ги читате информациите од книгата или компјутерот, личноста која се обидува да научи нешто подобро ќе го постигне тоа доколку на глас ги резимира информациите.
Луѓето кои се користат со оваа техника подобро ги памтат информациите од оние кои не го прават тоа, велат експертите.
