РАЗЛИКА ВО ЗНАЦИТЕ ЗА КОРОНАВИРУС: Симптом на КОВИД-19 кој е многу поредок кај омикрон варијантата

Во споредба со делта варијантата, омикрон варијантата предизвикува мала до никаква штета на белите дробови. Како настинка или грип, високо заразната варијанта го инфицира горниот респираторен тракт, предизвикувајќи благи симптоми како болка во грлото, кивање, болки во телото и главоболки.

Последниве две години беа многу предизвикувачки за сите нас. Иако научивме како да живееме со смртоносниот вирус и понатаму постои аспект на непредвидливост. Нова варијанта на коронавирусот нема, нема па ќе се појави, што им отежнува на научниците и стручњаците да го пронајдат конечното решение.

Варијантата омикрон се прошири во повеќе земји и потврдено е дека е високо заразна. Сепак, мутираната варијанта која иницијално е потврдена во Јужна Африка е поблага и нешто поинаква од претходните варијанти.

КАКО ТОЧНО ОМИКРОН Е ПОИНАКОВ ОД ДЕЛТА СОЈОТ?

Во споредба со делта варијантата, омикрон варијантата предизвикува мала до никаква штета на белите дробови. Како настинка или грип, високо заразната варијанта го инфицира горниот респираторен тракт, предизвикувајќи благи симптоми како болка во грлото, кивање, болки во телото и главоболки.

Делта варијантата, од друга страна, може да доведе до акутни респираторни компликации кај некои луѓе и директно да влијае на белите дробови, предизвикувајќи тешки симптоми како што се отежнато дишење, болка во прстите и ниски нивоа на кислород.

Омикрон варијантата, според извештајот, е четири пати попренослива од делта и затоа стручњаците веруваат дека може да стане доминантна варијанта.

СИМПТОМ КОЈ Е ПОМАЛКУ ЗАЧЕСТЕН КАЈ ИНФЕКЦИЈА СО ОМИКРОН

Омикрон и делта се две варијанти на вирусот SARS-CоV-2 и затоа споделуваат некои исти симптоми како што се блага температура, кашлица, болки во грлото, замор и болки во телото. Сепак, според една студија спроведена во Велика Британија, губењето на мирисот е помалку зачестен симптом кај омикрон варијанта.

Во првичниот извештај, д-р Анжелик Коци, јужноафриканската лекарка која прва ја откри омикрон варијантата, вели дека пациентите инфицирани со омикрон не покажале знаци на губење на мирис и/или вкус.

За време на бранот на инфекции со делта сојот, губењето на мирис беше еден од најочигледните симптоми на КОВИД-19, кое помагаше да се разликува SARS-CоV-2 од благ грип или настинка. Овој симптом знаеше да биде присутен и да се задржи кај лицето и месеци по опоравувањето.

Симптомите како треска, кашлица и губење на мирис сега се во поретките симптоми, што значи дека се помалку зачестени кога се работи за омикрон варијантата.