За жал, омикрон и понатаму задава големи проблеми низ светот, а проценките се дека делта варијантата е околу 40% поинфективна од алфа варијантата, со оглед дека алфа варијантата е околу 50% поинфективна од претходните варијанти, значи дека делта е двојно поинфективна од т.н. вухански сој на вирусот.
Тоа е очигледно и во овој четврти бран во земјава. За жал, најновите податоци од Јужноафриканската Република говорат дека омикрон е околу два пати поинфективен од делта, што е причина за дополнителна загриженост.
Со оглед дека и понатаму непречено се шири во светот, станува се потешко да се препознае за која варијанта на вирусот се работи и да се одвојат симптомите од обична настинка и останати инфекции на КОВИД-19.
Д-р Роберт Кугли, појаснува дека оние кои се заразиле со омикрон многу порано ја забележуваат појавата на симптоми, што не е случај кај останатите варијанти.
“Кај поголемиот број лица кои се вакцинирале и со бустер доза, а сепак се заразиле со вирусот, се јавуваат благи симптоми кои се поклопуваат со воспаление на горните дишни патишта“, додава тој.
Овие се симптомите кои треба да ги запомните и на време да ги забележите:
- Кашлица
- Замор
- Запек
Сепак, кај невакцинираните лица симптоми може да бидат многу посериозни.
Д-р Керол Фрајбергер, лекар во болницата Saint Luke, вели дека видела и пациенти кои примиле 3 дози вакцина и искусиле само благи симптоми како настинка, кога е во прашање омикрон варијантата.
“Знаете како се чувствувате кога имате силна настинка, уморно и исцрпено. И веројатно имате слични симптоми на настинка ако сте се заразиле со омикрон. Се работи за разлика кога ќе се спореди првиот сој на вирусот при кој се јавуваа висока температура, силна кашлица и болка во телото и тоа беа главните симптоми на болеста“, појаснува докторката.
“Слободно може да се каже дека идејата за болест што се манифестира примарно на горните дишни патишта е исправна“, додава Роланд Елис, биолог на Институтот во Берлин.
Значи се чини дека омикрон варијантата се реплицира многу побрзо од претходните варијанти, а ако заразеното лице во себе носи големи количини на вирусот, поголеми се шансите да зарази друго лице, особено ако не е вакцинирано. Вакцинираните поединци почесто имаат благи симптоми, ако воопшто се јават, бидејќи вакцината делува така што активира бројни одбрани на имуниот систем што му го отежнува на омикрон влезот во организмот.
