РЕДОВНА АКТИВНОСТ, ПРАВИЛНО ДРЖЕЊЕ, ТЕЛЕСНА ТЕЖИНА: Како навреме да спречите болка во ‘рбетот

Вишокот килограми создаваат дополнителен притисок на коските и на зглобовите. Ова може да ги отежни проблемите со дисковите и да доведе до понатамошна дегенерација.

Дали знаете дека ‘рбетот е составен од 33 пршлени, коскени елементи кои меѓусебно се одделени со меѓупршленски дискови? Стареењето, артритисот и низа други фактори може да доведат до дегенерација на дисковите.  Но, и сами можете да направите многу за да спречите поголеми проблеми.

Редовно вежбање

Редовното вежбање, соодветно за вашата кондиција е темел на здравјето на ‘рбетот. На тој начин се јакнат зглобовите и мускулите кои се нужни за одржување на природната положба на ‘рбетот. Целта нека ви биде барем 30 минути вежбање дневно. Не започнувајте некаква програма за вежбање, без претходна консултација со лекар.

  • Одржување на здрава телесна тежина

Вишокот килограми создаваат дополнителен притисок на коските и на зглобовите. Ова може да ги отежни проблемите со дисковите и да доведе до понатамошна дегенерација. Комбинирајте здрава исхрана со вежбање, и намалувајте повеќе од половина килограм неделно.

  • Следете ги упатствата на лекарот

Земајте ги лековите кои лекарот ви ги препишал за остеоартритис или за некоја друга состојба која влијае на здравјето на ‘рбетот. Ако истраете во лекувањето на таквите тегоби, тоа позитивно ќе влијае и на дисковите.

  • Не го занемарувајте проблемот

Ако дошло до физичка повреда, внимателно и детално придржувајте се до упатствата од лекарот. Ако го занемарите проблемот, ќе дојде до нови и поболни проблеми.

  • Физиотерапија

Побарајте совет од физиотерапевт кој ќе ви покаже вежби кои ви одговараат. Тоа ќе ја поправи силата, флексибилноста и ќе ја намали можноста за повреди. Ако сакате да излечете максимална корист, вежбајте дома, а не само со физиотерапевт.

  • Поправете го држењето

Ако го држите ‘рбетот правилно, и притисокот на дисковите ќе се намали. Не знаете која е правилната положба? Вовлечете го стомакот и ‘рбетот сам ќе се исправи.