Редовно чистење на забите го намалува ризикот од срцев удар

Истражувања покажаа дека лицата кои барем еднаш во две години одат на чистење на забите имаат 24 отсто помал ризик од срцев удар

Убавата насмевка не е единствената предност на редовното чистење на забите. Од оваа посета на стоматологот голема корист може да има и срцето. Резултати од истражувања покажаа дека лицата кои барем еднаш во две години одат на чистење на забите имаат 24 отсто помал ризик од срцев удар од оние кои не посетуваат редовно стоматолог.

Според доктор Зу Јин Чен, кој го спровел истражувањето, специфичната врска меѓу хигиената на забите и срцевите заболувања делумно лежи во фактот дека и непцата и срцето најчесто заболуваат од воспаленија. Авторите на оваа студија веруваат дека чистењето на забите ги неутрализира бактериите од устата, кои што можат да доведат до хронични инфекции и воспаленија, кои пак, можат да се прошират и на други делови од телото.