Со одржување на неколку hands-on работилници и пригодна коктел забава организирани од Фила Фарм, генерален увозник, и Центарот за естетска дерматологија „Zan Mitrev Aesthetic“, викендов и официјално беше одбележан почетокот на соработката со францускиот бренд за дермални филери Синклер (Sinclair).
Предавачи на мастерклaсот беа доктори со врвно искуство: д-р Кристина Давидович, д-р Злата Попович, д-р Мишел Мутлаг и д-р Анџелка Илиева, дерматолог од клиниката „Жан Митрев“.
Производите Ланлума (Lanluma), Маили (Maili) и Елансе (Elanse) кои се дел од портфолиото на брендот Синклер се со премиум квалитет, а преку врвните технолошки достигнувања во оваа област овозможуваат индивидуален пристап во разубавувањето.
Револуционерните филери на Синклер нудат моментален резултат со долгорочен ефект. Дермалните филери Елансе и Маили и колагенската-стимулирачка инјекција Ланлума се најновиот медицински метод во корективната дермална естетика за подмладување на кожата.
Производите Ланлума (Lanluma), Маили (Maili) и Елансе (Elanse) кои се дел од портфолиото на брендот Синклер се со премиум квалитет, а преку врвните технолошки достигнувања во оваа област овозможуваат индивидуален пристап во разубавувањето
Филерите на Синклер во медицинската дерматологија се посебно препорачани заради нивното 2-во-1 дејство кое започнува со корекција на брчките, а потоа продолжува со стимулација на природното производство на колаген во телото, притоа решавајќи ги основните причини за стареење на лицето.
„Резултатите од користењето на Елансе и Маили филерите се видливи инстантно, а ефектот е долгорочен. Слој по слој, Елансе создава цврста основа за трајни резултати, односно веднаш ги пополнува брчките и го редефинира обликот и контурите, што е инстантниот ефект, а потоа дејството е долготрајно и делува на намалување на знаците на стареење и подмладување на лицето обезбедувајќи видливо подобрување на квалитетот на кожата, затегнатост, цврстина, еластичност, тон и текстура“, објаснуваат од Одделот за естетска дерматологија на клиниката „Жан Митрев“.
Дермалните филери се прилагодени за различна цел и ги преобликуваат, прецизираат и подобруваат специфичните области на лицето. За поголеми депресии на кожата се препорачува Ланлума, безбедна и ефикасна колаген стимулирачка инјекција, која ги подобрува облините и контурите на телото, го надополнува волуменот во длабнатите предели на кожата.
„Ланлума е посебно препорачана заради природната стимулација на колаген и затоа што функционира заедно со телото создавајќи природен изглед и безбеден резултатот со долготраен ефект. Докажаната формула со поли Л-лактична киселина предизвикува реакција на регенерација во длабоките ткива на кожата, го поттикнува создавањето на колаген додавајќи волумен за постигнување совршени резултати“, велат од тимот на „Жан Митрев“.
И филерите и колагенската инјекција од Синклер се најсовремениот метод во естетската дерматологија со докажани резултати кај голем број задоволни пациенти. Се аплицираат преку инјектирање, а за што поголем ефект и безбедност при администрирање се препорачува да се администрираат исклучиво од страна на обучен и овластен здравствен работник.
Тимот на клиниката „Жан Митрев“ стои на располагање за сите дополнителни прашања и консултации за користење на филерите и колагенскиот третман.
