Ризик факторите за деменција може да се променат со годините

Деменцијата е комплицирана болест и резултатите од предвидувањата на ризикот е потребно да се прилагодат на поединецот, истакнуваат лекарите.

Се чини дека ризик факторите за деменција се менуваат со годините, а според мислењето на стручњаците, ова сознание би можело да им помогне на луѓето во промената на начинот на живот, за да го намалат ризикот од развој на оваа болест.

Деменцијата е комплицирана болест и резултатите од предвидувањата на ризикот е потребно да се прилагодат на поединецот, истакнуваат лекарите.

Лицата кои имаат дијабетес, на возраст од 55 години имаат четири пати поголема веројатност дека подоцна ќе развијат деменција од оние без дијабатес на таа возраст.

Исто така, лицата со висок крвен притисок (хипертензија) на возраст од 55 години имаат поголема веројатност да развијат деменција, а ризикот се зголемува за околу 12% со секое покачување на систолниот крвен притисок за 10ммХг.

Лицата кои имале срцева болест, но не и мозочен удар, на возраст од 65 години имале двојно поголема веројатност дека ќе развијат деменција, покажале резултатите од истражувањето.

Оние лица во седумдесетите години кои имале дијабетес и мозочен удар имале поголема веројатност дека ќе развијат деменција, а 80-годишните лица кои имале мозочен удар или дијабетес имале помеѓу 40% и 60% поголема веројатност дека ќе имаат деменција.