Кучињата имаат свои начини на комуникација, а еден од тие е и лижењето, што кучињата го учат од самото раѓање кога мајката ги лиже штом се родат. Посебно значење има и желбата кучето да го излиже лицето на својот сопственик. Кучињата најчесто ги лижат луѓето за да ги поздрават, да им порачаат нешто, или едноставно само да покажат дека се присутни.
На некои луѓе најмалку им е мило кучето да ги излиже по лицето, но таа кучешка потреба всушност има позитивно значење. Стручњаците за толкување на однесувањето на кучињата велат дека тоа е знак дека кучето ве сака. Друго објаснување е дека кога кучето ќе ве излиже тоа значи дека е гладно.
Дали знаете што всушност се случува кога кучето ќе ви го излиже лицето?
Иако долго време се сметало дека плунката на кучето е почиста од нашата, истражувањата го покажале спротивното. Во устата на кучето живеат исклучително многу бактерии и бацили, кои со лижењето се префрлаат на вас. Кога ќе се споредат нашите и бактериите на кучето, само 17% од нив се исти. Тоа значи дека постои можност, преку бакнеж, на вас да се префрлат 83% нови бактерии, кои инаку ги немате. Во случај да на кожата имате отворена рана или иритација, ризикот е уште поголем.
