Дали некогаш сте сакале да презематe ризик? Да направите голем скок, да изберете помеѓу она што го сакате и она што навистина сте подготвени да го сторите. Размислувате за можностите. Да се ризикува не мора секогаш да значи ништо опасно, може да биде забавно. Избегнувајќи ризик, избегнувате да го искористите целиот потенцијал на својот живот. Ризикот по природа е нешто страшно – неизвесно и непредвидливо. Можете да ја изгубите вашата животна заштеда или да го изгубите образот. Ризикувате критики и понижување, ситуација во која ќе мора да почнете се одново. Сте се откажале бидејќи сте знаеле што би можело да се случи. Наградата може да биде голема, но и загубата.
Во денешниот свет, се е подредено на тоа да се избегнат ризиците. Живееме во поинаков свет од нашите предци. Некогаш тие седеле околу огнот и талкале низ шумите во потрага за храна. Денес, безбедноста на животот е примарна. Автомобилите се тестираат и гарантираат безбедност, инсталираме системи за безбедност во нашите домови. Уредите со кои управуваме се тестирани и потенцијалниот ризик е сведен на минимум. Сите мерки на претпазливост се постигнати. Осигурани ни се и сопствените животи. Но дали е тоа решение и што со тоа добиваме? Целосна контрола врз вашиот живот? Навидум да, но тоа не не прави целосно заштитени. Со одбивањето на превземеме ризик ја пропуштаме авантурата наречена живот. Избегнувајќи ризиците го избегнуваме животот.
Во секојдневниот живот се соочуваме со многу поблаги облици на ризик, но повторно, голем број од нас не се подготвени да ги прифатат. Не се одлучни. И тоа ги разликува од успешните луѓе. Едни само сакаат и живеат во својот тивок и безбеден живот, а други ризикуваат и се фаќаат во костец со сите прилики. Дури и кога тие губат, стануваат и продолжуваат понатаму. Бидејќи се свесни дека се обиделе. Тоа и е клучниот фактор. Да се прифати фактот дека поразот понекогаш е составен дел од успехот.
Зошто би требало да се преземе ризик?
- Ризикот дава можност да ги остварите своите соништа, да ги откриете своите таленти, интереси и способности.
- Ризикот ве учи да поставите цели и да ги следите.
- Ви овозможува да се чувствуваат моќни и проактивни – ги решавате работите, наместо да чекате да се случат.
- Ви отвора нови идеи, вештини, способности и искуство.
- Ризикот ви овозможува да се соочите со вашите стравови. И да ги надминете.
- Ризикот е возбудлив. Ве прави живи.
Понекогаш ќе успеете, понекогаш можеби нема. Пропустите искористете ги да сфатите што е потребно за успех. Не постои магична формула за управување со ризикот, но внимателни подготовки и промисленост може да го намали ризикот и да ја зголеми шансата да успеете. Планирајте со отворени очи. Поентата на ризикот не е да ги затворите очите и да се фрлите во непознато.
Животот не доаѓа со гаранции. Ризичното, а можеби и страшното, може да биде интересно и забавно. Не мора да бидете коцкар по природата за да уживате во возбудата која ја носи ризикот. Понекогаш постојат и десет причини зошто не треба да ризикувате и само една зошто треба. Ако не се прифатите да се обидете никогаш нема да знаете што ве чекало на крајот на патот. Или ќе направите нешто или крај на приказната. Затоа што, на крајот, секогаш ни е жал за пропуштените можности и работите што не сме ги направиле.
Играјте си! Светот е празна школка каде вашиот ум бескрајно лудо се весели. Каде и да најдете задоволство, нека стане вистина.
Очекувања од другите? Зошто треба да размислува за она што другите очекуваат од вас? Важно е да ги исполните сопствените очекувања. Не е важно дали некому му се допаѓа она што го правите, туку дали ни се допаѓа на самите себе и дали ги исполнуваме сопствените визии.
