Ризикот за деменција може да се предвиди со визуелен тест

Истражувачите следеле околу 2 700 пациенти на возраст од 70 до 78 години кои немале деменција на почетокот од истражувањето.

Визуелен тест може да им помогне на лекарите да ги препознаат пациентите кога имаат зголемен ризик од деменција, укажуваат резултатите од последната студија објавена во Annals of Family Medicine.

Кај овие пациенти на почетокот и по две години бил применет Mini-Mental State Exam(MMSE). Кај нив, исто така, бил спроведен и Visual Association Test (VAT), триминутен тест за асоцијативна меморија со користење сликовни знаци. 

Во текот на периодот на следење од седум години, кај шест проценти од пациентите била поставена дијагноза деменција. Лицата кои немале добри резултати на VAT тестот имале повисок ризик за развој на деменција споредено со тие кои имале одлични резултати. Пациентите со лоши резултати и на MMSE и на VAT тестот имале највисок ризик за развој на деменција. Пациентите со редукција на MMSE тестот од два поена и лоши резултати на VAT тестот имале зголемен ризик за деменција за 10 % до 14 % редукција на MMS тестот биле асоцирани со зголемен ризик од деменција за 21 % до 29 %.

Авторите заклучиле дека VAT  тестот може да помогне да се разликуваат тие со зголемен ризик од развој на деменција (кај кои е потребно советување, дополнителни прегледи или други мерки) од оние кај кои е оправдано само следење.