Сакате да го забавите процесот на стареење?! Елагинската киселина е лекот!

Елагинската киселина претставува фенолно соединение кое се наоѓа во оревите и овошјето, како што се јагодите, малините, брусницата, грозјето и калинките. Станува збор за природен антиоксидант кој не штити од слободните радикали и го забавува процесот на стареење со тоа што го поттикнува производството на колаген.

Неодамнешни ин витро и ин виво истражувања, исто така, покажале дека во високи концентрации елагинската киселина би можела да го спречи растот и ширењето на клетките на ракот, како и да доведе до нивно самоуништување, додека истовремено ги намалува воспалителните процеси во организмот.

Елагинската киселина се користи во козметичката индустрија со оглед на тоа дека помага во борбата против знаците на стареење така што ги ублажува брчките и хиперпигментацијата на кожата.

Со годините се намалува синтезата на влакната колаген и еластин, така што постепено доаѓа до губење на тонусот и еластичноста на кожата. Елагинската киселина благодарение на антиоксидативното дејство го спречува предвременото стареење, ја подобрува циркулацијата и го зголемува снабдувањето на клетките со кислород.

Едно истражување покажало и дека елагинската киселина ја намалува штетата која на нашата кожа ја нанесуваат УВБ зраците и истовремено го подобрува дјеството на кремите за сончање за 25 проценти. Елагинската киселина помага и во превенцијата на хиперпигментацијата и севкупно го изедначува и осветлува тенот.

Како може да се искористи делотворноста на елагинската киселина?

Шака зрнесто овошје или 30 г ореви дневно овозможуваат во организмот да внесеме мноштво нутритиенти, меѓу кои е и елагинската киселина. Оваа навика не само што поволно ќе влијае на севкупното здравје, туку ќе го подобри и изгледот на кожата. Сепак, доколку главната цел ви е да ги ублажите првите знаци на стареење на кожата и да го спречите создавањето на хиперпигментацијата, употребата на креми или серум со елагинска киселина, секако, ќе даде побрзи резултати.

Еден од најдобрите извори на елагинска киселина е калинката т.е. сокот од калинка. Истражувањата покажале дека сокот од калинка е исклучително богат со антиоксиданти, како и дека е поефикасен во борбата против слободните радикали од зелениот чај, црното вино, сокот од боровница и портокалот, кои се добро познати по високата концентрација на антиоксиданти. Освен елагинска киселина, сокот од калинка содржи и антоцијанини и танини, за кои е научно докажано дека ги ублажуваат воспалителните процеси во организмот. Лековито делува и на срцето и крвните садови и помага во борбата против грип.