Актерката Џенифер Анистон изгледа како да има 25, а не двојно повеќе години. И не само тоа, позната е по совршената градба. Не е слаба, напротив остава впечаток на здрава и силна жена.
Тајната на нејзината совршена линија лежи во боксот!
Актерката тврди дека овој вид тренинг е одличен не само заради обликувањето на телото, туку и за исфрлање на негативната енергија. Со овој вид тренинг Џен ги обликува рацете и абдоменот, но и нозете затоа што телото е постојано во движење.
Тренира 3 до 6 пати неделно, а тренинзите некогаш траат по 45 минути, а некогаш и два часа. Повеќе вежба кога нема некој настан.
Тренингот и се состои од прескокнување јаже, трчање, вежби во партер и класични бокс ударци.
Боксот, инаку, има одлични психофизички последици по организмот, го затега целото тело и е одличен за кардиоваскуларниот систем.
„После боксот чувствувате големо ментално олеснување од сите лоши работи кои ги слушаме и гледаме на дневно ниво. Постои и оној сладок момент на замислување кого удирате во тој момент“, рекла во една прилика актерката за магазинот Ин стајл.
