САМО ЕДЕН СИМПТОМ Е ДОВОЛЕН ДА ПРЕПОЗНАТЕ ВОСПАЛЕНИЕ ВО ТЕЛОТО: Многу е чест, а раното воочување може да спречи бројни болести

Иако воспланието е дел од човечката физиологија, ако е хронични и нрегулирани предизвикува бројни здравствени проблеми.

Воспалителните процеси во телото ни помагаат да го одржиме здравјето и имуниот систем да одбива надворешни напаѓачи, како бактерии и инфекции. Но, воспалителните процеси се добри само кога се краткотрајни. Меѓутоа, кога воспалнието ќе стане многу силни и предолго трае, а имуниот систем продолжи да создава бели крвни клетки, се појавува хронично воспаление кое може да создаде проблеми во телото. Кога тоа ќе се случи, белите крвни клетки може да го нападнат здравото ткиво и здравите органи.

ШТО Е ВОСПАЛЕНИЕ?

“Воспалението е важен дел од нормалната човечка физиологија. Воспалението е нуспроизвод на клеточниот метаболизам и е важно во борбата против инфекциите, како и во заздравувањето на рани и повреди. Меѓутоа, хроничното нерегулирано воспаление е причина за многу здравствени проблеми денес како што се: срцеви заболувања, обезност, дијабетес, автоимуни болести, синдром на нервозно дебело црево и когнитивно опаѓање“, вели д-р Чад Ларсон, советник и консултант за клиничко советување во Cyrex Laboratories.

Тој додава дека пандемијата со коронавирусот уште повеќе докажала дека воспаленијата се поврзани со бројни здравствени проблеми.

Еве како може да препознаете дали вашето тело е во состојба на хронично воспаление.

  • Хроничната болка не поминува

Ова е најважен симптом на воспаление.

“Секоја болка е воспаление, без разлика дали се јавува во зглобовите, стомакот или главата“, вели д-р Карин Ешли.

Таа додава дека благото воспаление може да биде незабележливо или може да се манифестира преку послаби и повремени симптоми.

“Ако овие симптоми се игнорираат, тие напредуваат во посилни болки, кои потоа напредуваат во состојби и болести и бараат дијагноза“, објаснува д-р Ешли.

Некои од состојбите вклучуваат артритис, мигрена, фибромијалгија и болка во грбот и вратот.

Затоа, истакнува д-р Ешли, важно е да го слушате сопственото тело, да ги препознаете благите симптоми и да ги решите за да избегнете нивна прогресија. Исто така, обрнете внимание на тригерите кои создаваат болка во вашето тело. Овде, водењето евиденција за болка (локација, времетраење и интензитет) може да помогне. Исцрпниот дневник за болка може да биде одлична алатка и за вас и за вашиот лекар.

  • Имате автоимуна болест

“Автоимуните болести како ревматоиден артритис, хипотироидизам (Хашимото синдром), лупус, витилиго, целијакија и дијабетес тип 1 обично се резултат на воспаление“, потенцира д-р Ешли.

За жал, ваквите состојби можат да предизвикаат дополнително воспаление, а дополнителното воспаление ги влошува овие болести, со што се создава маѓепсан круг во кој може да страдаат и органите.

“Многу автоимуни болести имаат наследна, генетска компонента, но тоа не е доволно за нивен развој. Честопати постои тригер или повеќе предизвикувачи кои со текот на времето ги поттикнуваат гените да реагираат. Проучувањето на овој феномен се нарекува епигенетика. Со разрешување на воспалението и тригерите не може да се отстраните оштетувањето на органите предизвикано од автоимуна болест, но може да се запре прогресијата на болеста и драстично да се ублажат симптомите“,  истакнува д-р Ешли.

  • Имате гастроинтестинални проблеми

Тоа може да бидат запек, дијареа, надуеност, абдоминална болка и синдром на нервозно дебело црево. Имено, по болки во телото, воспалението најмногу се манифестира во цревата.

“Кога слузницата на желудникот и цревата се воспалува поради инфекција, лоша исхрана, отрови од околината или недостаток на есенцијални хранливи материи, доаѓа до нарушување на деликатната рамнотежа на бактерии и ензими. Ова нарушување може да доведе до нетолеранција на храна, запек, дијареа, жиговина, надуеност, гасови и болки во стомакот“, вели д-р Ешли.

Таа истакнува дека е исклучително важно да се погрижиме за воспалението во цревата, бидејќи цревата ги регулираат хемикалиите во мозокот, хормоните и го одржуваат имуниот систем.

“Само со решавање на проблемите во цревата може да се елиминираат симптомите во другите делови на телото. Исхраната богата со интегрални житарки и помалку преработена храна и шеќери, е најдобрата метода за борба против воспалението во цревата“, вели д-р Ешли.

  • Болни менстрални циклуси

Не, не е нормално да имате болна менструација поради која мора да отсуствувате од работа или од омилените активности. Сосема е во ред да  почувствувате по некој  грч, но не повеќе од тоа.

“Ако силно крварите, чувствувате умерена до силна болка, надуеност, анксиозност, депресија и болки во градите за време на менструацијата, веројатно имате и воспаление. Имено, во цревата постои цел систем на бактерии кои помагаат во регулирањето на хормоните“ вели д-р Ешли.

Меѓутоа, ако вашите црева се пореметени со воспаление, веројатно ќе дојде и до хормонална нерамнотежа. Последиците се токму болни меструации. За жал, најчесто решението за тоа се контрацептивните таблети, кои ги потиснуваат хормоните што ги произведува телото. Но, додава д-р Ешли, тоа е само решавање на последиците, но не и на причината.

“Дури и кога земате контрацепција, воспалението се уште е тука, само немате симптоми. Кога ќе престанете со контрацепција, симптомите многу веројатно е дека повторно ќе се јават“, објаснува д-р Ешли.

Како да се избегне хронично воспаление?

Најважно е да направите промени во животниот стил:

  1. Исфрлете намирници што содржат преработени масла
  2. Не користете намирници што содржат додаден шеќер
  3. Исфрлете преработена храна што содржи преработени масла
  4. Отфрлете ја преработената храна на база на пченица
  5. Зајакнете го цревниот микробиом
  6. Вклучете во исхраната животински протеини, омега-3 масни киселини, зелен лиснат зеленчук, краставици, печурки, кромид, но и други билки
  7. Користете природни масла, како маслиново, кокосово и од авокадо
  8. Јадете храна богата со пребиотици
  9. Пиј многу вода