СЕ БАРА ПОБРЗО, ПОПРЕЦИЗНО И ПОЕФТИНО РЕШЕНИЕ ЗА ОТКРИВАЊЕ НА КОВИД-19: Нов тест открива коронавирус за половина час, анализатор на здивот за 15 секунди, а дресирани кучиња може да го намирисаат и за помалку од една секунда

Истражувачи ширум светот трагаат за побрзи, посигурни и поефтини методи за откривање на новиот коронавирус. Ова се три најнови методи во кои полага голема надеж.

Со нов дијагностички тест може да се открие РНК на коронавирусот SARS-CoV-2 кој ја предизвикува болеста КОВИД-19. Примерокот се зема од урина, крв, плунка, како ии брис од носот и од грлото и наодот се добива за само половина час, открива ново истражување објавено во списанието Plos One. Овој научен труд го потпишуваат Лаура Ламб и нејзините колеги од Beaumont Health System.

SARS-CoV-2 е тешко да се дијагностицира во рана фаза на инфекцијата, бидејќи пациентите може да бидат асипмтоматски или да имаат благи, неспецифични симптоми. Моменталниот дијагностички стандард ПЦР (qRT-PCR) бара скапа опрема и обучен кадар, па е достапен само во одредени лаборатории.

Ламб и колегите користеле РТ-ЛАМП метода на умножување на нуклеинските киселини. Реагенсите се ефтини и може да се чуваат на собна температура, техниката делува на различни типови на примероци, а утврдено е дека е изразено специфична, чувствителна и брза за други заразни болести.

Тестот реагира само на SARS-CoV-2 и не покажува присутност на други вируси.

Истражувачите развиле РТ-ЛАМП дијагностички тест за SARS-CoV-2 и ја мереле ефикасноста на испитувањата на примероци крв, урина, плунка и брис. Тестот е користен и на клинички примероци на болни со КОВИД-19. РТ-ЛАМП тестот за SARS-CoV-2 успешно го открил вирусот во сите типови примероци со проценета граница за откривање на само 304 вирусни копии во примерокот.

Истражувачи од Државниот универзитет Охајо, истовремено работат на целосно поинаков начин на тестирање: анализатор на здив, кој вирусите ги открива по принципот на полицискиот алко-тестер.

Анализата на дишење не е баш раширена техника во медицината, па овој научен труд се смета за пионерски обид. Сепак, авторката и водач на проектот Перена Гоума верува дека оваа направа би можела да се користи како алтернатива за моменталните тестери.

“Имаме сензорен уред кој во здивот открива азотен оксид и VOC (испарливи органски соединенеија кои можат да се искористат за добивање на информација за појава на инфекција“, го објаснува уредот Гоума, и вели дека тој е базиран на технологија на сензори кои се користат за следење на издувните гасови од автомобилот. Рачниот уред дава резултати за само 15 секунди, ефтин е и може да го користи било кој.

Најголем интерес за овој уред пројавуваат работните установи и училиштата.

Наместо софистицирани сензори, во Велика Британија се обидуваат вирусите да ги откријат со помош на куче трагач.

Добро издресирани кушиња можат да намирисаат до 750 лица во еден час. Тие веќе се дресирани за откривање рак, Паркинсонова болест и маларија, а сега се прави обид да се открие дали кучињата може да намирисаат и коронавируси. Во проектот е вклучена и Школата за хигиена и тропска медицина во Лондон, како и Универзитетот Дурхам.

Кучињата се тренираат така што им се дава да намирисаат ткаенина од пациенти кои имаат коронавирус. Тоа ќе им покаже дали болеста има специфичен мирис, кој кучињата можат да го откријат. Ако се покаже дека можат, целиот тест би траел неполна секунда, а такви брзи податоци не може да обработи ниту најсовремената технологија за откривање болести.