Болка или мачинина по сексуален однос се многу почести отколку што се мисли и симптомите никако не треба да се игнорираат.
“Постои многу загрижувачка и вообичаена заблуда дека чувството на мачнина по сексуалниот однос е показател дека штотуку сте зачнале дете. Но, според стручното медицинско мислење, тоа не е вистина и физички е невозможно. На семената течност и е потребно многу повеќе од пет минути да оплоди јајце клетка“, вели познатата британска докторка д-р Ширин Лахани и додава дека постои цела низа на причини што би можело да биде всушност причината.
Вазовагална синкопа
Една од можностите е вазовагалната синкопа, која може да се појави кога партнерот многу длабоко продира во жената и “удира“ во цервиксот.
“Цервиксот е полн со нервни завршетоци. Вазовагалниот одговор се јавува кога се стимулира вагусниот нерв, што предизвикува понизок број на отчукувања на срцето и крвниот притисок. Тоа, пак, може да доведе до мачнина“, вели д-р Лахани. Треба да знаете и дека цервиксот се менува во текот на фазите на менструалниот циклус, што значи дека можете да бидете повеќе или помалку чувствителни за време на пенетрацијата. Вазовагалната синкопа е ненадејно, краткотрајно губење на свеста поради хипоксија на мозокот, како последица на минливо намален проток на крв во мозокот.
- Дехидрација
Дали сте една од оние жени кои често се враќаат од работа и сфаќаат дека не испиле ниту една голтка вода цел ден? Тоа мора да се промени, бидејќи дехидрацијата може да предизвика многу здравствени проблеми. Чувството на мачнина по сексуален однос е еден од нив.
“Без разлика дали се работи за дехидрација, нерви или вистинска вознемиреност, мачнината после секс може да биде начин телото да ви каже дека нешто не е во ред“, вели д-р Лахани. Водете сметка за тоа колку вода пиете, а ако се чувствувате вознемирени, постојат програми за помош и техники за управување со стресот што можете да ги испробате.
- Ендометриоза
Ако мачнината после секс е придружена со болка, тоа може да биде знак за посериозна состојба како што е инфекција на уринарниот тракт, полицистични јајчници или дури и ендометриоза.
“Не е невообичаено жените со горенаведените состојби да доживеат болен однос, со други причини, вклучително и инфекции на грлото на матката и фиброиди. Задолжително посетете лекар“, советува д-р Лахани.
- Ментално здравје
Веројатно ретко кој го поврзува менталното здравје со физичките симптоми на мачнина после секс, но, според д-р Лахани, можно е и лекарот откако ќе ги исклучи потенцијалните физички тригери, да ги преиспита психолошките и да ве упати на понатамошна терапија.
