Случаеви на воспаление на срцевиот мускул, миокардитис се забележани кај тинејџери и млади возрасни кои примиле вакцина против КОВИД-19, информираше советодавната група на Центарот за контрола и превенција на болести на САД (CDC), препорачувајќи понатамошни истражувања на оваа ретка состојба.
Одборот за имунизација при Центарот информираше дека ги проучува извештаите за неколкумина млади лица, главно тинејџери и млади возрасни, повеќето од машки пол, кои развиле миокардитис – воспаление на срцевиот мускул.
Оваа состојба главно поминува без компликации и може да ја предизвикаат разни вируси, велат од CDC.
Не е кажано колку лица развиле миокардитис и е препорачано понатамошно истражување.
Д-р Амеш Адаља, виш научник за здравствена безбедност во Центарот Џон Хопкинс вели дека е познато дека вакцините предизвикуваат миокардитис и дека е важно тоа да се следи за да се утврди дали причински е поврзано со вакцината. Важно е да се земе предвид и размерот на ризик и придобивката.
“Вакцините несомнено може да бидат покорисни и да го надминат овој многу низок, ако конечно биде утврден, ризик“.
CDC информира дека случаевите најчесто се евидентирани во период од четири дена по примањето на мРНА вакцина. Не е специфицирано за која вакцина се работи. Во САД се користат две вакви информациски вакцини, Фајзер и Модерна.
Министерство за здравство на Израел во април соопшти дека проучува мал број случаи на миокардитис кај луѓе кои примиле вакцина Фајзер, иако сè уште не се донесени никакви заклучоци. Повеќето случаи во Израел се пријавени кај лица помлади од 30 години.
