Научниците во најновата студија прв пат после 19 години забележале потполно нов сој на ХИВ. Сојот припаѓа на М групата верзија на ХИВ-1, односно на истата фамилија на вирусните поттипови кои предизвикуваат глобална пандемија на ХИВ, тврди компанијата „Abbott Laboratories“, која заедно со Универзитетот Мисури го спровела ова истражување.
ХИВ има неколку различни поттипови или соеви, како и други вируси, па поседува способност за менување и мутирање низ времето. Ова е прв нов сој на ХИВ групата М, кој е утврден откако во 2000 година се воспоставени насоки за разликување на поттиповите.
На медицинската заедница и е важно да знае кои соеви на вирусите се актуелни за да се обезбеди делотворно тестирање за откривање на болестите, пренесува Си-ен-ен.
„Ова може да стане вистински предизвик за дијагностички тетсови“, вели вирусологот Мери Роџерс, коавторка на истражувањето.
Доктор Ентони Фаучи, директор на американскиот Национален институт за заразни болести, рекол дека моменталните третмани против ХИВ се делотворни и против овој новооткриениот сој, но дека неговото откритие сигурно ја потполнува картата на развој на ХИВ. Засега не е познато дали оваа варијанта на вирусите има поинакво влијание на болните, но сегашните третмани на ХИВ може да делуваат на широк спектар на вирусни соеви. Според податоците на Светската здравствена организација, во светот од ХИВ боледуваат околу 36,7 милиони луѓе, од 2016 новозаболени има околу 1,8 милиони.
