Сè повеќе млади „согоруваат“ на работа, а за тоа постои и дијагноза

Денес, младите луѓе имаат поинаков вид притисок, и работите кои ги стресираат се поинакви од пред 10 години.

Шведска е позната по одржливоста на рамнотежата на животниот стил, но бројот на млади луѓе кои се под голем стрес, а се отпуштени од работа цвета. Само 1 процент од работниците во Шведска работат 50 часа неделно или повеќе. Растечкиот број на млади работници кои го прекинуваат работниот однос заради премор добил и свој термин – „клиничко согорување“.

„Бев на боледување повеќе од една година и три-четири месеци постојано лежев во кревет“, рекла Натали Сунвиери, која работела како маркетинг менаџер пред да „согоре“ на 25 години. Работното време и било од 8 до 17 часот, но работела и од дома. Денес работи како предавач за ментално здравје.

„Не станува збор за количеството на време кое го поминувате на работа, туку за контролата на ресурсите кои ги имате на работното место, и тоа е сложен проблем кој, на пример, може да се јави во лидерството или работното опружување воопшто така што секој може да „согори““,смета Натали.

Сесилија Аксланд, исто така, престанала да работи заради премор и тоа на 23 години. „На денот кога се се распадна не можев да излезам од автомобилот. Само му се јавив на шефот и му реков дека не се чувствувам добро, следниот ден кога се разбудив не можев да станам од кревет“, раскажала Аксланд, која пред да се разболе работела повеќе часови од вообичаено.

Преморот е медицинска дијагноза во Шведска од 2010 година. Бројот на млади од 25 до 19 години кои немаат работа заради премор или стрес пораснал за 144 % од 2013 година.

„Денес, младите луѓе имаат поинаков вид притисок, и работите кои ги стресираат се поинакви од пред 10 години. Живеат во поразлично општество кое се менува со светлосна брзина. Поинаков е пазарот на труд, стандардите се поставуваат преку социјалните мрежи, иднината е неизвесна“, вели Селена Кортез, експерт за согорени и ум.

Швеѓаните добиваат великодушни бенефиции за боледување според глобалните стандарди. Сесилија, на пример, добила бесплатни часови за работа против стресот и подобрување на сонот. На поединци им е предложена и терапија. Сесилија зборувајќи за својот проблем уште рекла и дека ментално здравје мора да се сфати сериозно, во целиот свет, дури и, вели, дека треба да се посвети повеќе внимание отколку на физичкото здравје.

„Неважно е дали сте директор на компанија, дали имате пет деца или имате 40 години, случаите се разликуваат и луѓето со тоа мора сериозно да се бават“, рекла Сесилија.