Во моментов две работи се гледаат како надеж за решавање на пандемијата со КОВИД-19 – вакцина и брзи тестови. Дали брзите тестови ќе ни го олеснат животот додека вакцината не почне реално да се применува? Брзите антигенски тестови поттикнаа надеж, особено во делот на превземањето построги мерки за спречување на ширењето на коронавирусот SARS-CoV-2.
И иако антигенските тестови даваат побрзи резултати од ПЦР тестовите , тие имаат и свои слабости.
- КАКО ДЕЛУВААТ БРЗИТЕ ТЕСТОВИ?
Антигенските тестови не бараат генетски материјал на вирусот, како ПЦР тестовите, поради што подолго се чека на резултатите, молекули карактеристични за вирусот. Слично на тестот за бременост, резултатите се прикажуваат на тест лента.
Антигенските тестови не треба да се мешаат со тестовите за антитела. Тие покажуваат дека некој бил заразен и дека развил антитела.
- КОИ СЕ ПРЕДНОСТИТЕ И НЕДОСТАТОЦИТЕ?
Антигенските тестови се помалку чувствителни од ПЦР тестовите, но побрзо даваат резултати – за само 15 до 30 минути. Но, нема да го открие вирусот во рана фаза на инфекцијата, но затоа во фаза во која пациентот е многу заразен,тоа ќе го направи со висока сигурност.
Негативниот резултат не исклучува инфекција, особено ако количината на вирусот во организмот е мала.
- ИМА ЛИ СТУДИЈА ЗА ЕФИКАСНОСТА НА АНТИГЕНСКИТЕ ТЕСТОВИ?
Истражувачки тим во болницата Charite во Берлин, тестирале седум добавувачи и утврдил дека чувствителноста на тестот се поклопува со количината на вирусот. Со други зборови, колку пациентот е позаразен, тоа тестот порано ќе го открие.
- ШТО ВЕЛАТ ВИРОЛОЗИТЕ?
Антигенските тестови “може да создадат покус пат во постапката на донесување одлуки во различни подрачја на здравствената грижа и прашања за јавното здравје“, напишале авторите на студијата. На пример, може да одлучат за тоа кога ќе се укине карантин.
Или можат “злато да вредат“ на влез во домовите за стари лица, вели германскиот виролог Кристијан Дорстен, додавајќи дека предуслов за тоа е тестовите да бидат што поверодостојни и сигурни.
Авторите претпоставуваат и дека квалитетот на антигенските тестови во блиска иднина ќе се унапредат.
- КОЈ ГО КОНТРОЛИРА КВАЛИТЕТОТ НА ТЕСТОВИТЕ?
Засега само производителот.
- ИМА ЛИ ТЕСТОВИ КОИ МОЖАТ ДА СЕ ИМААТ ВО ДОМАШНАТА АПТЕКА?
Некои земји, како Германија, не дозволуваат продажба на тестови за приватна употреба. Други пак, како САД дозволуваат, но само со лекарски рецепт.
Но, виролозите предупредуваат дека аматерската примена на тестовите може да даде погрешни резултати, создавајќи така или лажно чувство на сигурност или паника.
