СÈ ВЕ НЕРВИРА И ЗА НИШТО НЕМАТЕ ВОЛЈА: Овие се симптомите на психичка прегореност

Ако не гледате смисол во својата работа, ниту кариера и забележувате дека тоа влијае и на вашиот приватен живот, време е за годишен одмор во текот на кој ќе размислите за тоа дали е време за промени.

Две третини од анкетираните вработени, во истражувањето на Американската асоцијација за патувања, сметаат дека “културата на компанијата е амбивалентна, обесхрабрувачка и испраќа нејасни пораки за слободното време“. Ова е многу лошо бидејќи се потценува важноста на одморот. Најново истражување покажува како одморот може да го намали нивото на стрес.

Дури 81 отсто од менаџерите се согласуваат дека одморот превенира “burnout “ или синдром на прегореност, кој може да предизвика сериозни физички и емоционални здравствени проблеми. Затоа е многу важно да се научи да се препознаваат знаците дека ви претстои “пукање по шевови“ и дека очајно ви треба одмор. Ако ви е здодевно и тешко се мотивирате на работа, сите и сè околу вашата работа ве нервира, негативни сте и не сте задоволни од моменталната ситуација на работа, ниту од целокупната кариера, можеби и тоа како ви треба одмор.

Кога сте вознемирени или преморени, вашето тело ослободува хормони на стрес. Исцрпеноста што доаѓа со големо оптоварување, исто така, може да го ослаби вашиот имун систем и да ве направи поподложни на вируси на настинка, грип и инфекции. Дека сте прегорени, ќе сфатите и ако, како и една третина од луѓето во такви ситуации, не можете да заспиете бидејќи се премногу ангажирани со мисли за работа.

Кога стресот ќе стане хроничен, имаме потешкотии со обрнувањето внимание на други работи освен на она што го правиме во моментот, па вашата успешност на работа може да биде доведена во прашање.

Ваквиот стеснет фокус го влошува вашето помнење,  како и вештините за решавање проблеми и донесување одлуки. Уште еден показател е честото посегнување по алкохол после работа, прејадување или бесцелно гледање во телевизорот бидејќи немате сила за ништо – особено не за вежбање.

Дали често се расправате со колегите? Без оглед на тоа дали имате потешкотии наутро да станете од кревет и да стигнете навреме во канцеларија или се чувствувате раздразливо, можеби за минута се впуштате во расправии и препукувања со соработниците, време е да земете малку време да се оддалечите и да ги наполните батериите . Дури и кога најмалиот проблем станува нерешлив, тоа укажува на недостаток на здрава перспектива на работа и преосетливост на секој следен проблем што ќе се појави.

Ако често разговарате со пријателите и семејството само за работата, а остатокот од вашиот живот надвор од работа се врти околу тоа, дефинитивно треба да одите на одмор, особено кога сте толку под стрес што ги фрустрирате и нервирате пријателите, членовите на семејството и колегите, па ги правите незадоволни, како и кога се повлекувате од луѓето кои би можеле да ви дадат поддршка.