Ново истражување објавено во списанието The American Journal of Emergency Medicine, потврдуваат дека КОВИД-19 пациентите може да доживеат:
- Воспаление на срцевиот мускул – миокрадитис
- Срцев удар
- Срцев застој
- Неправилни отчукувања на срцето
- Појава на крвни згрутчувања
Постојат и сигнали кои укажуваат на појава на некои од наведените состојби, алармираат лекарите од Мајо клиниката, па внимателно прочитајте за кои станува збор.
- ОТЕКУВАЊЕ НА НОЗЕТЕ
Ова е еден од симптомите на создавање на крвно згрутчување – тромб, а обично се јавува само на едната нога.
- БОЛКА ВО НОЗЕТЕ
Во листот на ногата, поради крвното згрутчување се јавува тапа болка која потсетува на грчеви.
- ЦРВЕНА КОЖА
“Доколку згрутчувањето дојде во рацете или нозете, обично се јавува и промена во бојата на кожата, која станува црвенкаста или сина боја“, појаснуваат стручњаците и додаваат дека тие промени на кожата може и да останат поради настанатата штета на крвните садови.
- ЧУВСТВО НА ТОПЛИНА ВО БОЛНАТА НОГА
Повторно се работи за крвно згрутчување. Може да почувствувате силно и постојано грчење во ногата, болка и чувствителност кога ќе застанете на ногата. Како состојбата се влошува, така кожата може да поприми црвена боја и да стане топла на допир.
- ПРИТИСОК ВО ГРАДНИОТ КОШ И РАЦЕТЕ КОЈ СЕ ШИРИ
Нелагодност во градите, како и во средината на градниот кош која трае подолго од неколку минути или доаѓа на бранови. Непријатноста може да се почувствува како нелагоден притисок, стискање, потење и болка. Доколку забележите било кој од симптомите, веднаш посетете лекар. Ако навреме ги воочите знаците на срцев удар, навремената лекарска интервенција може да ви спаси живот.
- МАЧНИНА
Дигестивни проблеми, киселина во желудникот, болка во стомакот и мачнина, може да бидат и симптоми на болеста КОВИД-19, но и на срцев удар.
- НЕДОСТАТОК НА ВОЗДУХ
Со оглед дека КОВИД-19 е и респираторна болест, потешкотии со дишењето може да значат дека се работи за срцев удар или КОВИД-19.
- ЛАДНА ПОТ
Кога срцето отежнато работи, вложува многу повеќе труд за да пумпа крв. Може да станете и анксиозни, а обрнете внимание на тоа колку се потите.
- ЗАМОР
Притоа, не се мисли на оној вообичаен замор кој го чусвтвуваме на крајот од денот, туку на целосен недостаток на енергија. Тоа може да биде сигнал дека нешто не е во ред со срцето.
- НАГЛА ПОЈАВА НА ВРТОГЛАВИЦА
Ако го забележите овој симптом, веднаш повикајте лекар!
- ПАЛПИТАЦИИ
Тие претставуваат чувство на срцевите активности, а се опишуваат и како чувство на треперење на срцето или забрзана работа, како и прескокнување. Со овој симптом може да се јават и потешкотии со дишењето.
