Ново истражување, објавено од страна на Американското здружение за срце, покажало дека бројот на смртни случаи поврзани со нарушување, односно пореметување на срцевиот ритам (познато како атријална фибрилација) е во пораст, особено меѓу младите возрасни лица.
Студијата покажала дека со оглед на возраста, годишното зголемување на смртните случаи поради атријална фибрилација, било поголемо помеѓу пациентите од 35 до 64 години – 7,4% во споредба со 3% кај пациентите на возраст од 65 до 84 години.
Атријалната фибрилација понекогаш доведува до создавање на крвни згрутчувања, мозочен удар, затајување на срцето и други кардиоваскуларни компликации.
Атријална фибрилација е најчеста постојана аритмија кај општата популација. Ризикот од развој на атријална фибрилација расте со возраста. Се појавува поради брзи (>300/мин) и неправилни електрични импулси во преткоморите. Наведеното, го зголемува ризикот од појава на згрутчувања во преткоморите во атриите. Освен специфично лекување на аритмијата, потребно е и лекување со лекови “против згрутчувања“.
Треба да се истакне дека пред десетина години, атријалната фибрилација била претежно болест на повозрасните лица, а сега се повеќе се среќава кај лица во нивните триесети години.
