Многу е важно да обратите внимание на она што вашето тело ви го кажува. Во продолжение ви донесуваме листа со осум знаци кои не смеете да ги игнорирате и кои упатуваат на тоа дека сепак постои некој проблем со вашето здравје.
Жолти белки
Како што кажува и самото име, природната боја на белките – е бела и секогаш треба да биде таква. Освен во случај на ненаспаност или настинка, овој дел од окото може да открие и некои опасни промени во вашиот организам. Жолта белка може да укажува на жолтица, проблеми со црниот дроб и жолчката. Црвената може да биде знак за висок крвен притисок или вирусно заболување, како што е конјуктивитис.
Седа коса
Белите влакна се појава која често зависи од генетиката. Но, ако имате повеќе од 50 проценти бели влакна на главата веќе во 30-тата година од животот, а такви случаи немате во семејството, тоа може да биде знак за дијабетес.
Испукани усни
Непријатните пукнатини на усните најчесто се предизвикани од промени во температурата и ветерот. Но пукнатините кои често се појавуваат на краевите на усните и внатрешните рани може да бидат знак за недостаток на витамин Б и цинк. Ако пукањето на усните стане честа појава, причината може да биде габична инфекција.
Отечен врат
Ако сте забележиле дека вратот ви изгледа отечено, консултирајте се со доктор што е можно побрзо. Оток на предниот дел на вратот најчесто е предизвикан од проблеми со тироидната жлезда кои се чести кај жените меѓу 20 и 50 години.
Црвени дланки
Зажарени и црвени дланки може да бидат последица на дерматитис, егзема или алергиска реакција на метали, лекови, одредени видови на храна или пијалаци. Но, исто така, оваа промена може да биде и знак за отежната работа и заболување на црниот дроб.
Студени нозе
Стапалата се дел од телото што е најдалеку од срцето, и затоа васкуларните болести најпрво се манифестираат на нив. Рејнов синдром е болест која предизвикува стегање на крвните садови во делови од телото, како што се прстите на рацете и нозете, носот и ушите, поради што тие стануваат ладни, бледи, па дури и трпнат.
Губење на веѓи
Веѓите со тек на времето стануваат поретки, што е нормално, но ненадејно губење на влакна од веѓите може да биде знак за проблеми со тироидната жлезда, хипертироидизам – преактивна тироидна жлезда или хипотироидизам – намалена функција на тироидната жлезда.
