Седум помалку познати сигнали за аларм! И ова се симптоми за рак на дојка

Мошне е важно на време да се постави дијагноза заради што лекарите постојано апелираат на  жените да ги „опипуваат“ своите гради во потрага по симптоми.

Од рак на дојка годишно умираат милиони жени, а најчеста причина е доцна поставена дијагноза. Смртноста лесно би можела да се избегне само кога жените почесто би ги проверувале своите гради. Треба да се напомене и дека, иако ракот на дојка првенствено е женска болест, околу 1 процент од оваа тешка болест се јавува и кај мажите. Со оглед на тоа дека овој рак е операбилен мошне е важно навреме да се постави дијагноза, заради што лекарите постојано апелираат жените да ги „опипуваат“ градите.

Промените во дојката во вид на јазли, односно јасно задебелување кое се наоѓа на едната дојка, а во другата не, може да е знак за карцином. Во раните стадиуми овој јазол слободно се придвижува под кожата, а кога станува збор за поодминат стадиум – јазолот обично прираснува за градниот кош.

Меѓутоа јазолот не е единствен симптом за оваа смртноносна болест. Ова се, исто така, сигнали за аларм:

Оток и топлина

Кај воспалителниот рак на дојка, особено потешкиот и поредок облик на карцином, дојката делува инфицирано. Врела е, црвена и отечена. Често внатре во дојката не се напипува јазол.

Црвенило на кожата и болка

Внимание треба да се посвети и на црвенилото на кожата, болката во самата дојка, како и во грбот и пазувите.

Секрет

Понекогаш прв знак и аларм може да биде и секретот кој тече од дојките, особено ако е со боја на килибар и помалку крвав.

Промени на брадавиците

Ако брадавиците ви изгледаат чудно, испукани се, имаат сменет облик или боја, веднаш побарајте помош од лекар. Промената на изгледот на брадавиците, исто така, може да упатува на рак, било да се работи за текстура, боја или облик.

Чуден изглед на кожата

Најчесто станува збор за вовлечена кожа над туморот, кој дури и не мора ни да се опипа.

Јазли под пазувите

Исто како што јазлите можат да се појават во дојката, и оние под пазувите, исто така, може да се симптом на рак на дојката.

Нагласена асиметрија на дојките

Градите и се асиметрични, но новонастаната и видливо нагласена асиметрија на дојките е можен симптом на рак и не треба да се игнорира.