СЕЗОНА НА ГРИП И ВИРОЗИ: Овој период поважно е од било кога – три одлични начини да го зајакнете имунитетот на дневна основа

Уф, само сега да не се разболам – на кого оваа мисла последниве денови не му поминала низ глава? Болно грло, течење на нос и кивање – нераскинлив дел од зимата, барем така беше во минатото. Поради почитување на правилата за дистанца, постојано миење на рацете и носењето маска, поголем дел од луѓето во последниве две години успеаа да го совладаат слаломот помеѓу грипот и вирозите. Но, бии било убаво така и да остане, зарем не?

Иако подолго време успешно ги избегнувавме бројните вируси, но и грипот, ситуацијата во последно време значително се промени: социјалниот живот е многу побогат од минатата година, поголем е бројот на заразени со коронавирус, но и бројот на заболени од грип и настинки. Иако стратегиите за зајакнување на имуниот систем не можат да спречат инфекција со коронавирусот, факт е дека значајно му олеснуваат на нашето тело подобро да се справува со настинки и други инфекции за време на студената сезона.

Иако се зборуваше дека од коронавирусот може да се заштити со силен имун систем, тоа за жал не е така. Накратко: дали ќе се заразите или не со коронавирус не зависи од тоа дали имате функционален или ослабен имун систем, туку од тоа дали вдишувате аеросоли на вирусот или не. Секој кој ќе вдиши вирусни аеросоли е заразен и затоа е потенцијално заразен, а тоа исто така не го попречува функционирањето на имуниот систем.

Сепак, за полесно да се одбраните од бројните вирузи кои “беснеат“ и за да го зајакнете имунитетот, посегнете по стратегии кои ја засилуваат имунолошката одбрана во текот на зимата.

  • Со храна зајакнете го имуниот систем

Во тенкото и дебелото црево се наоѓаат 70 отсто од имунолошките клетки, а таму се одвиваат речиси 80 отсто од сите одбранбени реакции. Тоа е она што ги прави цревата важен дел од имуниот систем. Пресметката е едноставна: ако цревата се здрави, односно ако цревната флора е избалансирана, подобро сте заштитени од разни болести. Затоа, имунолозите препорачуваат разновидна, природна исхрана со малку шеќери, месо и животински масти, но многу витамини, растителни влакна, минерали и диетални влакна.

  • Физичка активност на свеж воздух

Можеби звучи малку банално, но секојдневната физичка активност на свеж воздух, како на пример получасовна вечерна прошетка, веќе делува, позитивно влијае на одбранбената сила на организмот, но и ги ублажува жариштата на воспаленијата. Зошто е тоа така? Кога телото е во движење, им сигнализира на клетките активно да учествуваат, ја оптимизира клеточната делба и се прилагодуваат метаболичките процеси. Дополнителна предност на физичката активност на свеж воздух е ослободувањето на хормонот серотонин, кој делува како еден вид природен антидепресив и поттикнува добро расположение.

  • Спијте доволно

Со тоа што ќе му обезбедите на телото доволно часови сон, ќе му направите вистинска услуга. Научните студии покажуваат дека за време на спиењето не само што физичката регенерација се одвива со полна брзина, туку се зголемува и бројот на природни одбранбени клетки, што е важно за успешна борба против бактериите и вирусите.