![proleten-zamor (2)](https://panacea.mk/wp-content/uploads/2018/03/proleten-zamor-2-696x495.jpg)
Според некои податоци, чувството на замор напролет опфаќа 20 проценти од пациентите кои ги посетуваат ординациите на општата медицинска пракса.
![](https://panacea.mk/wp-content/uploads/2018/03/proleten-zamor-4-750x500.jpg)
По долгите студени денови, со нетрпение го очекуваме сонцето, полесната облека и свежата храна. Иако не го очекуваме и него, со нив во пакет, сепак, ни пристигнува и заморот.
Замор, недостаток на концентрација, зголемена потреба за спиење, што вклучува и поголема потреба за дневно спиење, се само некои од симптомите на пролетниот замор. Синдромот на пролетен замор е предизвикан од ослабен имунолошки систем, недостаток на витамин Ц и адаптација на организмот на новите временски услови.
Како самите да си помогнете?
Чувството на замор лесно ќе го намалите ако пиете многу течности, а за подигнување на енергијата задолжително појадувајте и во утринскиот оброк вклучете многу протеини: на тој начин освен што ќе ја зголемите виталноста, веројатно, ќе јадете и помалку во текот на денот. Добри извори на протеини се путер од кикиритки, сирење, јајца или јогурт, во комбинација со печиво од цели зрна.
![](https://panacea.mk/wp-content/uploads/2018/03/proleten-zamor-3-750x562.jpg)
Со поголема консумација на намирници кои содржат големи количини на витамин Ц ќе придонесете за побрзо надминување на симптомите на пролетниот замор
По појадокот најдобро е да посветите време на вежбање, кое ќе ве расони, ќе ви даде енергија и ќе го подобри вашето расположение. Нема потреба да поминувате неколку часа во теретана, доволно е да одите на прошетка или на трчање. Многу е важно и доволно да спиете. Обидете се да си легнувате порано од вообичаено.