Шест здравствени проблеми од кои луѓето се срамат и не одат на лекар

Неодамна спроведена студија во Велика Британија утврдила дека едно од 10 лица не оди на лекар, оти му е срам кога имаат одредени здравствени проблеми. Еректилна дисфункција,секрет, инконтиненција и депресија се некои од проблемите од кои луѓето се срамат.

“Срамот се јавува од две причини – или се обвинуваат себе што дошло до тоа, или се плашат дека другите ќе ги осудуваат. Важно е луѓето да сфатат дека овие здравствени проблеми лекарите веќе ги виделе многу пати претходно, и дека тоа е нивна работа, и нема ниту да осудуваат и во нив може да имате доверба“, вели психологот Џо Хемингс.

Според неа, луѓето најмногу се срамат од проблеми кои имаат врска со личната хигиена, како лош здив или непријатен мирис на телото, но и оние што се однесуваат на интимната зона, како еректилна дисфункција, секрет…

ЕРЕКТИЛНА ДИСФУНКЦИЈА

Повеќето мажи над 40 години имаат повремени епизоди на импотенција и тоа најчесто не е причина за загриженост, иако мажите, разбирливо, се загрижуваат.

Најчесто причините за ерктилна дисфункција се стрес, анксиозност, замор, алкохол, а може да се јави како нуспојава на некои лекови. Ако овој проблем почесто се јавува, може да биде знак за некоја здравствена состојба, како дијабетес, ниско ниво на машки хормони или запушени крвни садови.

СТРЕС

Лачењето на секрет е нормално и не треба да ве загрижи оти се јавува кај повеќето жени. Количината и текстурата на секретот може да варираат во зависност од сексуалната активност, бременост или менструален циклус. Ако забележите промени во секретот – поинаков мирис, боја или ако се јави болка, отидете на лекар.

ИНКОНТИНЕНЦИЈА

Тоа е чест проблем кој погаѓа милиони луѓе. Лекувањето зависи од сериозноста на симптомите и типот на инконтиненција. Промена на животните навики како намалување на внесот на кофеин и намалување на килограмите, со вежби за карличните мускули се најчести начини на лекување, но во некои случаи се неопходни и лекови, па дури и операција. Разговарајте со лекарот која е најдобрата опција за вас.

ДЕПРЕСИЈА

Депресијата почесто се јавува кај оние лица кои имаат историја на болеста во семејството, но не се јавува нужно само кај нив. Овој проблем е се почест, а лекувањето зависи од сериозноста на депресијата, а може да вклучува вежабње, разговор со терапевт, антидепресиви или комбинација од сето тоа.

НЕПРИЈАТНИ МИРИСИ

На телесните мириси може да влијаат хормоналните промени, прекумерното потење, одредени видови на лекови или состојби како дијабетес, бубрежни болести или болести на црниот дроб. Непријатните телесни мириси може да се регулираат со антиперспиранти, редовно туширање, а во некои сериозни случаи можна е и операција при која се отстрануваат потните жлезди или ставање инјекции за намалување на потењето.

НЕПРИЈАТЕН ЗДИВ

Најчесто решение за непријатниот, лош здив е промена на навиките за дентална хигиена – редовно миење на забите и чистење со конец, за да се исчистат бактериите во устата. Во некои случаи, лошиот здив може да биде симптом за инфекција.