Ако не пиете доволно вода, тоа може да биде еден од најзначајните фактори за оштетување на бубрезите, бидејќи се случува секојдневно. Главна задача на бубрезите е да го исфрлат метаболичкиот отпад од телото и да ја регулираат рамнотежата на електролитите. Ако телото не е хидратизирано, се намалува протокот на крв, што резултира со насобирање на токсини во крвта.
Пол мочен меур
Многумина од нас имаат навика да го одложат одењето во тоалет. Ако мочниот меур подолго време е полн, може да дојде до разни компликации во дигестивниот тракт.
- Хипертрофија на мускулите е една од компликациите кои може да доведат до дивертикулитис (создавање дупка или воден меур во телото).
- Хидронефроза (зголемување на притисокот на урина во бубрезите) е друга компликација до која се доаѓа со хроничен притисок на задната страна на бубрегот.
- Инконтиненцијата е исто така една од сериозните последици на долготрајно одложување на празнење на мочниот меур.
Премногу натриум
Преработката на натриум е уште една задача која ја вршат бубрезите. Солта е основен извор на натриум, а вишок на натриум треба да биде излачен преку телото. Кога јадеме многу солена храна, бубрезите се многу оптеретени бидејќи мора да ја излачат големата количина на натриум, а тоа долгорочно може да биде напорно за бубрезите.
Лекови против болки
Земањето лекови против болки и при мали болки, е лоша навика на многу луѓе. Повеќето лекови против болки имаат опасни пропратни нуспојави и може да оштетат разни органи, па и бубрезите. Истражувањата покажале дека долготрајно земање на лекови против болка го намалуваат протокот на крв и така ја намалуваат функцијата на бубрезите.
Премногу протеини
Премногу црвено месо и друга храна богата со протеини може дополнително да ја влоши состојбата на веќе заболените бубрези. Храната богата со протеини во основа е здрава, но не и ако имате оштетени бубрези. Премногу протеини ги оптоваруваат бубрезите.
Игнорирање на грип и настинки
Игнорирањето на обична настинка и грип може да доведе до оштетување на бубрезите. Истражувањата покажале дека луѓето со заболени бубрези исто така имаат навика да избегнуваат одмор кога се болни. Утврдено е дека лицата со болни бубрези се чувствителни на промена на времето.
