Штетно по здравјето: Дали и вие ја чувате храната во пластични садови?!

Уште пред 100 години било утврдено дека бисфенолот А, хемикалија која се користи за зацврснување на пластиката, во човечкото тело делува како вештачки естроген

Многу нутриционисти велат дека подготвувањето оброци однапред е одлична идеја, бидејќи на тој начин го контролирате количеството на храна која ја консумирате.

Сепак, иако сакате да ги задржите вашите здрави прехранбени навики, да го контролирате внесувањето на калории и да се храните здраво, со подготовката на јадења во пластични садови за храна, можете да го постигнете токму спротивното.

Пластичните садови можат негативно да влијаат на здравјето на луѓето ако содржат бисфенол А (БПА)

Д-р Емели Иларди објаснува дека подготовката на храна однапред и нејзиното пакување во пластични кутии е многу популарно во последно време, но она што повеќето луѓе не го знаат е дека овие пластичните садови можат негативно да влијаат на здравјето на луѓето ако содржат БПА. Станува збор за хемикалијата бисфенол А, која освен за зацврснување на пластиката се користи и кај конзервите и лименките. Уште пред 100 години е утврдено дека бисфенолот А во човечкото тело делува како вештачки естроген. Бисфенолот го нарушува нашиот ендокрин систем.

Преку досегашните истражувања во повеќе наврати била потврдена врската на БПА со заболување на црниот дроб, дебелина, дијабетес, неплодност и неколку видови на рак, а Данска стана првата земја во Европа која забрани БПА во амбалажата за храна и пијалаци, наменети за деца под три години.

Некои производители на пластична амбалажа го исфрлија бисфенолот А од употреба, но секако, пред купување, проверете што земате. Англиските истражувачи ги анализирале податоците од анкетата „National Health and Nutrition“, при што се покажало дека мажите со високи дози на БПА во организмот имаат поголем ризик од развој на болести на срцето. БПА, имено, го потиснува хормонот, кој не штити од срцев удар, оксидативен стрес и оштетување на крвните садови.