Што да направите ако вам или некому околу вас му се слоши од големите жештини? Почитувајте ги овие 4 совети

Мерете ја температурата на телото. Ладете го лицето додека телесната температура не се спушти под 38 степени. Не давајте лекови на своја рака. Лице без свест, поставете го во странична лежечка положба.

Разладете го домот, избегнувајте ги жештините и пијте доволно течности. Но, што уште е важно да се знае за време на високите температури?

Ако вие или некој друг околу вас се чувствува лошо:

  • Побарајте помош ако имате вртоглавица, слабост, немоќ, нелагодност или сте изразено жедни и имате силна главоболка, што побро отидете во ладна просторија и мерете температура;
  • Испијте чаша вода или овошен сок да ги надоместите течностите;
  • Смирете се и легнете во разладена просторија ако имате болни грчеви, најчесто во нозете, рацете или во стомакот кои се јавиле по извршена работа на многу жешко време. Во случај грчевите да останат присутни подолго од еден час, потребна е медицинска помош;
  • Советувајте се со лекар во случај на други тегоби или ако опишаните тегоби траат подолго време.

Ако член на семејството или лицето на кое му помагате има врела, сува кожа или неразумно разговара и е немирно, грчеви и-или е без свест, веднаш повикајте итна помош.

  • Додека чекате лекар/итна помош, сместете го лицето во ладна просторија во хоризонтална положба, подигнете му ги нозете и колковите, отстранете ја облеката и почнете со надвпрешно ладење, како што се ладни облоги на вратот, пазувите и препоните со вентилатор и навлажнување на кожата со вода на температура од 25 до 30 степени.
  • Мерете ја температурата на телото. Ладете го лицето додека телесната температура не се спушти под 38 степени. Не давајте лекови на своја рака. Лице без свест, поставете го во странична лежечка положба.