Променливото време, односно температурните разлики наутро и навечер споредбено со оние во текот на денот, влијае на здравјето на организмот, и првата работа што ни се случува е настинката.
Пред да ве фати настинка, најдобро е да се подобри имунитетот, а ова се некои од начините:
- Задолжително пред појадок испијте топла вода со лимон. Овој напиток не само што освежува, туку помага и при дигестијата. Лимонот е богат со витамин Ц кој е важен во дигање на имунитетот.
- Јадете ручек со шарени бои, во делот на овошјето и зеленчукот. Имуниот систем бара различни состојки за да може подобро да функционира.
- По главниот оброк – ручекот, шетајте. Зголемете го нивото на витамин Д и намалете го нивото на стрес.
- После пладне јадете храна богата со протеини.
- Вежбајте кога сте одморни и полни со енергија.
- Немојте да вечерате доцна и легнувајте си порано.
„Последното истражување покажало дека учесниците кои имале добар ноќен сон создаваат повеќе заштитни антитела од оние на кои им недостасувал сон. Недоволното спиење негативно влијае на имунитетот и го слабее. Држете се до регуларното време на одење во кревет навечер и избегнувајте светлост на екраните од електронските уреди најмалку еден час пред да си легнете. Се препорачува да направите бања во сол од магнезиум и да читате книга“, објаснува нутриционистот Вајолет Бреј, автор на истражувањето.
