Од самото откритие на болеста аквагена уртикарија, за која се уште нема лек, научниците биле изненадени. Технички гледно, тоа воопшто не е алергија, а се укажува дека станува збор за алергија. И тоа многу ретка алергија која е во состојба за само 15 секунди по доаѓање во допир на кожата со вода да предизвика сериозни пликови и осип по целото тело.
„По таквата реакција, многу сум изморена. Како да сум трчала маратон. Мора да седнам и да се одморам. Страшно е, но ако плачам, лицето ми отекува„ изјавила една жена која живее со оваа состојба.
Имунолошкиот систем кај овие лица нагласено реагира на некои промени внатре во телото, а не на некоја надворешна материја како што е полен или јаткасти плодови, како што е случај кај вообичаените алергии.
Постојат неколку теории за причинителот на реакцијата, но досега не е пронајден дефинитивен причинител на пликови кај заболените. Некои научници велат дека водата хемиски реагира кога ќе дојде во контакт со природните масла во кожата, па испушта токсични хемикалии во крвотокот, при што доаѓа до тешки алергиски реакции. Меѓутоа, до сега никој не дал дефинитивен одговор за алергијата на вода.
Ова заболување е многу ретко. Во целиот свет се регистрирани само 50 луѓе.
Овие луѓе хигиената најчесто ја одржуваат со помош на антибактериски марамчиња. Сепак, понекогаш се принудени да се искапат, што за нив претставува многу болно искуство. Проблемите се јавуваат и кога лицата се потат или плачат, па секое нивно плачење предизвикува осип и пликови. Овие луѓе мора секогаш да бегаат и од дожд.
За привремено да се намалат симптомите, на болните им се препорачува да пијат антихистаминици, кои се користат за лекување на многу алергии, но проблем е кај малите деца, затоа што со време организмот може да стане имун на нив.
