Дали смеам да спијам на стомам? Која е најдобрата положба за мене? Дали треба да пијам кафе?… Ова се само дел од дилемите со кои се соочуваат идните мајки за време на бременоста.
Смеам ли да го носам во раце своето двегодишно дете додека сум бремена?
Да, но немојте премногу често. Обично најдобрата позиција е држење на малите на страна и под стомакот. Научете кои се заштитните положби при свиткување на телото, поместување или кревање на нешто тешко.
Дали е вистина дека не смеам да спијам на стомак?
Да, но ова правило важи за жени во поодмината бременост, поради зголемената тежина на матката и бебето и притисокот што го прават на главната вена која испраќа крв од долниот дел од телoто до срцето. Овој притисок може да ја наруши оптималната циркулација на крвта и кај мајката и кај бебето. Најдобра положба за спиење е на левата страна, а под стомакот и зад грбот поставете перница.
Може ли понекогаш да се јаде послабо печено месо/бифтек во текот на бременоста?
Не. Термички послабото обработено месо може да содржи паразит токсоплазма, кој може да пројде низ плацентата и негативно да влијае на плодот. Сепак, ако е бифтекот (како и кое било друго месо) добро печен, тогаш може да се јаде.
Дали е безбедна пренаталната масажа?
Да! Масажата со сигурност ќе ве опушти и освежи. Но, пред да поченете да одите на масажа, консултирајте се со својот лекар и осигурајте се дека масерот има валиден сертификат за пренатална масажа. Освен тоа, по 18-тата недела од бременоста немојте да лежите на грб, туку на стомак на специјални кревети со соодветни отвори. Во првите три месеци од бременоста не користете масла за ароматераписки масла и секогаш избегнувате масажа на стапалата и на дланките.
Како стојат работите во врска со кафето?
Во умерени количини кофеинот е безбеден. Оваа материја припаѓа во категоријата на стимуланси кои може да пројдат низ плацентата и да влијаат на срцевиот ритам и дишењето кај бебето. Генералната препорака за трудниците е до две шолји кафе во текот на денот. Имајте на ум дека кофеинот се наоѓа и во другите прехранбени производи, како што се чајот, ледениот чај и газираните пијалоци.
Лицето ми изгледа како да сум во пубертет. Дали може да се користат лекови против акни?
Не. Искуството покажува дека типичните состојки на тие лекови предизвикуваат дефекти за време на породувањето. Консултирајте се со дерматолог во врска со било какви други безбедни алтернативи. Маслото од чајно дрво е едно од природните решенија за проблемот со акните.
Колку често треба да посетувам заболекар?
Почесто отколку пред бременоста, бидејќи кај идните мајки многу почесто се јавува кариес и гингивит, а нарушеното орално здравје неповолно влијае и на мајката и на бебето. Рутинските стоматолошки прегледи се целосно безбедни, но треба да се избегнуваат рендгенски снимања на забите, освен ако ова не е апсолутно неопходно. Сите интервенции може да се извршат со локална анестезија.
