Секој период од годината има одредени специфичности кои се условени со вид на микронапасник кој предизвикува болест, а за време на зимскиот период еден од најзаразните кој брзо се пренесува е норовирусот. Се пренесува со контакт со заразена личност или контаминирани површини, консумирање контаминирана вода или храна, а предизвикува стомачни тегоби и кај возрасните и кај децата. Периодот на инкубација е кус, од 12 до 50 часа.
Симптоми на норовирусот
Обично се појавуваат од еден до два дена од инфицирањето, но може и во рамките на 12 часа. Главни симптоми се малаксаност, дијареја и повраќање, а во некои случаи и висока температура, болка во главата, рацете, нозете, како и стомакот.
Колку трае?
Иако се манифестира брзо и предизвикува слабост и болка, во однос на другите вирози неговото траење е нешто покусо, обично два до три дена. Препораката од лекрите е во овој период да останете дома додека симптомите не се смират – така ќе спречите ширење.
Како се лекува?
Совет е заради обилното повраќање да поведете сметка за хидратацијата. Потребно е да пиете повеќе течности, а освен вода внесувајте и свежо цедени сокови и супи. Во случај на мачнина бирајте лесна храна – ориз, компир, тестенини и леб. Силните болки и температурата можете да ги ублажите со парацетамоч
Ширењето на вирусот може да се спречи со миење на рацете со вода и сапун, а она што треба да го знаете е дека геловите и марамчињата на база на алкохол не можат да го убијат овој вирус.
