Ако сте настинати храната, веројатно, не е првата работа која ви паѓа на ум, но порано или подоцна ќе мора да јадете нешто. Особено е битно што ќе изберете во ваква ситуација, бидејќи од некои видови на храна и пијалaци може да ви стане уште полошо. Ако сакате побрзо да оздравите, избегнувајте ги следниве намирници…
Кафе
Ако чувствувате симптоми на која било болест, а особено стомачна вироза, обидете се да го прескокнете утринското кафе. Кофеинот е диуретик, така што постои шанса по кафето да останете дехидрирани. Оваа ситуација нема да ви помогне, бидејќи токму хидратацијата му помага на вашиот имунолошки систем во одбраната од вируси и инфекции. Кафето има уште полошо дејство ако се борите со повраќање или дијареја, особено поради фактот што кофеинот ги стимулира мускулите во вашиот дигестивен тракт, предизвикувајќи уште поинтензивни симптоми.
Благи работи
Консумацијата на преработен шеќер може привремено да ја оневозможи способноста на вашите бели крвни клетки да се борат против бактериите. Вашиот имунолошки систем е послаб и неколку часа по јадењето слатки или засладени јадења, што значи дека ќе биде помалку ефикасен во борбата против бактериите. Исто така, шеќерот може да ја исцеди и водата од вашиот дигестивен тракт, што може да доведе до дијареја.
Газирани сокови
Исто како кафето и газираните сокови кои содржат кофеин можат да доведат до дехидрација. Дополнителен проблем е фактот што газираните сокови се преполни со шеќер, што ја намалува способноста на вашиот имунолошки систем и има негативен ефект врз вашиот дигестивен систем. Диеталните газирани сокови, исто така, се забранети, бидејќи се полни со вештачки засладувачи што може да доведе до надуеност и грчеви. Со други зборови, газираните сокови само ќе ги влошат симптомите што веќе ги имате затоа обидете се да ги замените со пијалаци со помалку шеќер и повеќе електролити.
Грицки
Ако страдате од болно грло, секако, заборавете го чипсот и сличните грицки. Грубата текстура на грицките како што се чипс, гранола плочки, па дури и крцкав тост може да биде многу непријатна за болното грло. Исто така, колку повеќе го иритирате грлото, толку повеќе време треба да оздравите.
Алкохол
Прескокнете ги алкохолните пијалаци ако имате каков било вид на болест, особено стомачна вироза. Алкохолот, како кафето е диуретик кој може да ја влоши дехидрацијата. Во тој случај, алкохолот ќе има многу посилен ефект, а би можел и да го забрза варењето, што може да ги влоши симптомите на стомачниот вирус
Многу лута храна
Ако ве мачи течење на носот, држете се настрана од лута и зачинета храна. Чили пиперчињата и лутите сосови својата „топлина“ ја добиваат од капсаицин, состојка која може да ги надразни вашите дишни патишта и да доведе до течење на носот. Ова само ќе ги влоши симптомите, но ако ве мачи, на пример, затнат нос, тогаш лутите пиперчиња може да ги олеснат симптомите на некое време.
