Сигурно е дека сите во некој период од животот сме имале проблеми со акни, кои што најчесто се јавуваат во младоста, но сепак може да задаваат и маки и ако имате 45 години. Некои стручњаци сметаат дека акните понекогаш може да откријат и колкави се шансите да кај вас се развие некоја форма на рак, а понекогаш може да бидат и последица на малигна болест.
РАК НА ЈАЈЧНИЦИ
Туморите на стромата на јајчниците се многу ретка форма на рак на јајчници, а најчесто се јавуваат кај повозрасни жени, иако може да се појават и кај помлади. Научниците сметаат дека во некои ситуации тој може да влијае на производството на повеќе тестостерон, машки полов хормон што може да доведе и до состојба која се нарекува хиперандрогенизам – доаѓа до манифестирање на знаци дека во организмот има премногу машки хормони, а еден од симптомите може да бидат акни, но и ќелавост, како и раст на влакна по лицето и телото. Но, резултатите од истражувањата до денес се нејасни, а некои покажуваат поврзаност помеѓу акните и ракот на јајчници.
РАК НА ДОЈКА
Според некои истражувања, акните може да значат дека имате поголеми шанси да развиете тумор на дојка, а повторно се во прашање хормоните, поточно дисбаланс, кој може да доведе до големи проблеми со акните. Студиите покажуваат дека постои врска помеѓу повисоките нивоа на хормони (естроген и тестостерон) и појавата на рак. Една студија покажала дека жените кои имаат рак на кожата и биле на радиотерапија за лекување на акни имаат поголеми шанси да развијат рак на дојка од оние кои не примиле терапија.
РАК НА КОЖА
Научници за потребите на една студија следеле илјадници жени во период од 20 години и откриле дека тие кои имале проблеми со акни во младоста може да имаат и поголеми шанси да кај нив се развие меланом или рак на кожата. И акните и меланомот се поврзани со хормоните. Меланомот не е толку чест, но е сериозна форма на рак на кожата бидејќи брзо се шири ако не се лекува. Друга студија исто така покажала дека постои поврзаност помеѓу развојот на рак на кожата и појавата на акни во младоста.
РАК НА ПРОСТАТА
Некои студии откриваат врска помеѓу акните и ракот на простата, а особено се поврзани со еден вид акни (Propionibacterium acne), во чиј развој голема улога игра бактеријата која може да влијае на воспаление на коските, зглобовите, очите и мозокот. Резултатите од студија велат дека оваа бактерија би можела да биде причина за воспалителни процеси во простатата.
НЕ-ХОЧКИНОВ ЛИМФОМ
Нема доволно истражувања кои ги поврзуваат овие две состојби, но резултатите што постојат се интересни. Овој тип на лимфом се чини дека има многу врска со андрогенот, еден од хормоните поврзан со појавата на акни.
ШТО ДРУГО МОЖЕ ДА ПРЕДИЗВИКА ПОЈАВА НА нА АКНИ?
Причините за нивното појавување се различни, а најчеста причина е хроничниот стрес при кој надбубрежните жлезди лачат хормон кортизол кој ја поттикнува кожата да формира акни, објаснува д-р Клаудија Шебетиќ, дерматолог. Хормонот на стресот физиолошки има два пика – наутро и попладне – кај лица кои се хиперактивни, кои се хронично под стрес, кои спијат лошо, исто како и акните во зрелоста.
Овој дерматолошки проблем е почест кај жените и може да биде упорен и може да биде предизвикан и од хормонални промени и козметички производи. Акните можат да бидат резултат на долготрајна употреба на кортикостероидни креми, но денес, за среќа, тоа е поретко. Овие креми се исклучително ефикасни кај разни дерматолошки заболувања доколку се користат кратко време и под надзор на лекар, а долготрајната и неконтролирана употреба може да предизвика појава на акни. Розацеата е хронична кожна болест што се карактеризира со црвенило на средината на лицето и во една од нејзините форми може да има видливи мозолчиња кои по изглед се разликуваат од акните.
Покрај генетиката и хормоните, на развојот на акните влијае и начинот на живот. Исхраната богата со слатки и млечни производи може да го стимулира создавањето на акни, како и храна полна со конзерванси и нередовни оброци. Акните можат да бидат многу изразени во текот на летото, особено кај лица кои многу се потат и чија кожа е многу мрсна.
