Во повеќето сличаи, икањето е безопасно, но понекогаш може да претставува симптом на сериозни и опасни состојби на организмот. Икањето е состојба на грчење на дијафрагмата, при што се појавува карактеристичен звук. Имено, со згрчувањето на дијафрагмата доаѓа до изненадно затворање на глотисот (глотичниот ларинкс) кој го надгледува влегувањето на воздухот, а со тоа се појавува и звук на икање.
Причини
Причината вообичаено е непозната, но стручњаците сметаат дека може да почне со иритирање на дијафрагмата. Може да се јави поради брзо јадење на хрната, при што доаѓа до голтање на воздух или поради консумирање на многу врела храна или алкохол. Во модерното време, икањето може да биде предизвикано од стрес или чувство на нервоза. Надразнетоста на нервниот систем кој поминува од синусите до дијафрагмата, исто така, може да предизвика икање.
Во поголемиот број случаи нападите на икање траат по неколку минути, но во ретки случаи може да бидат и трајни и да траат и по неколку дена, па дури и цел месец.
Вообичаено кај долготрајното икање причината може да биде сериозен здравствен проблем како:
- тумор на мозокот;
- повред на главата;
- болест на желудникот;
- заболување на цревата;
- болести на црниот дроб и жолчката;
- последица на хируршки интервенции;
- метастази на црн дроб;
- воспалителни промени на панкреасот;
- воспаление на белите дробови.
Превенирањето се состои, пред се, во спорото консумирање храна, за да не дојде до голтање на воздух. Се препорачува и избегнување на газирани пијалаци.
Кај краткотрајните икања обично помагаат разни „трикови“:
- Задржување на здивот колку што најмногу се може;
- Стимулирање на нервот вагус;
- Брзо испивање на чаша ладна вода;
- Голтање на сув леб;
- Масирање на очните јаболчици;
- Испружување на јазикот за да се олесни дишењето и да се намали грчот на дијафрагмата.
