Д-р Паван Јадав наведува дека омикрон предизивкува поблаги симптоми кои наликуваат на настинка, а најчести се покачена телесна температура, кашлица, течење од нос и болки во телото. Сепак, лекарот повикува на внимание, особено кај оние лица кои имаат коморбидитети, се повозрасни или земаат некои имуносупресиви.
Д-р Реџендер Сајни вели дека не смееме премногу да се опуштаме и покрај благите симптоми. “Прерано е да предвидуваме колку е сериозна оваа варијанта“, додава тој.
КАШЛИЦА – НАЈЧЕСТ СИМПТОМ КАЈ СИТЕ ВАРИЈАНТИ
КОВИД-19 е респираторна болест која може да предизвика широка лепеза на симптоми, од благи до умерени. Во некои случаи, може да предизвика и потешка клиничка слика која може да резултира со хоспитализација или смрт.
Д-р Сајни наведува дека омикрон во најголем процент влијае на горниот респираторен систем и предивикува болно и воспалено грло, како и кашлица. Сувата кашлица е најчестиот симптом на КОВИД-19, покажала студија објавена во Lancet. Помеѓу 60 и 70 отсто од симптоматските пациенти заразени со SARS-CoV-2 пријавуваат сува кашлица како почетен симптом на болеста.
Упорната кашлица може да биде многу непријатна. Д-р Сајни објаснува дека кашлањето е механизам со кој телото се обидува да ги прочисти дишните патишта од одредени иритирачки материи.
То е природно одбранбено дејство на телото да ги потисне надразнувачките материи како што се слуз, полен, чад или алерген. За среќа постои низа на начини, како медицински, така и природни, со кои кашлицата може да се ублажи.
Д-р Сајни објаснува дека упорната и постојана кашлица може да се лекува со гаргара, антиалергиски лекови што ги препишува лекар и слично.
Покрај тоа, клучно е да внесуваат многу течности за лицето да не дехидрира, како и многу хранливи состојки. Но, во потешките случаи, лекарите препорачуваат лекови како инхалатори/деконгестивни пастили, но само кога ќе ги препише лекар.
ТРЕБА ЛИ ДА СЕ ЗЕМААТ АНТИБИОТИЦИ?
КОВИД-19 е вирусна болест и важно е да се нагласи дека антибиотиците не делуваат на вирусни инфекции. Антибиотиците се ефикасни во лекување на секундарни бактериски инфекции, нагласува д- Јадав.
Значи, антибиотици не се користат за лекување на КОВИД-19 и други вирусни болести. Прекумерната употреба на антибиотици подразбира земање антибиотик и кога тоа не е потребно. Според податоците на Центаропт за контрола и превенција на болести (ЦДЦ), помеѓу една третина до половина од употребата на антибиотици е непотребна или несоодветна.
Претераното користење на антибиотици може да создаде отпорност на бактериите на антибиотици. Поради постојаниот контакт со антибиотици, бактеријата станува поотпорна и учи да се прилагодува.
Освен тоа, антибиотиците може да предизвикаат некои несакани ефекти, вклучувајќи вртоглавица, повраќање, габични инфекции и во тешки случаи, алергиски реакции, отежнато дишење и уште многу друго.
