Потењето е нормален имунолошки одговор на инфекција, кога телото ја зголемува температурата се обидува да ја уништи бактеријата или вирусот. Но, важно е да се провери дали потењето крие некој хроничен проблем.
- Бременот-менопауза
Се што се однесува на ендокринолошкиот систем може да предизвика поинтензивно потење од вообичаено. Освен топли бранови кои ги мачи 85% од жените во менопауза, бременоста исто така може да биде виновник за прекумерното потење. Хормоналните промени и во двата случаи го пореметуваат природниот термостат во мозокот и создаваат перцепција дека сте презагреани, што активира потење – природен систем на ладење на телото.
- Лош избор на храна
Ако потта има изразен мирис на “риба“, можеби имате ретка генетска болест – триметиламинурија, што значи дека вашето тело не може да ја разгради состојката која се нарекува триметиламин, кој се создава за време на дигестија на храната како што се јајца, мешунки и риба. Таа состојка тогаш телото ја излачува преку урина, потење и со издишување.
- Лимфом
Хиперхидрозата може да биде симптом и за лимфом, односно рак на лимфните клетки. Не се знае точно зошто оваа болест преидзвикува прекумерно потење, но можно е, тоа да е реакција на друг симптом на болеста – грозница.
- Стрес
Потта што ја лачиме кога ни е топло ја лачат екрините жчезди кои се сместени по целото тело, а потта главно се состои од вода и сол. Но, кога сме под стрес, пот лачат апокрините железди кои се наоѓаат само на одредени места, на пример под пазуви. Тој тип на потење содржи масти и протеини помешани со бактерии присутни на кожата, што придонесува за појава на непријатен мирис.
- Ниско ниво на шеќер
Ако нивото на шеќерот во крвта падне по 70мг по децилитар, било поради дијабетес или исцрпувачки вежби, може да почне да се чувствуваат последици од кои една е прекумерното потење. Во случај на благ пад на шеќерот состојбата може да се поправи така да нешто се изеде или испие, но ако се јават и други сериозни симптоми, треба веднаш да се појде на лекар.
- Недоволно течности
Ако потта многу пече кога ќе ви влезе во очи или ако остава бели траги на облеката, можно е да внесувате премногу сол во организмот, што за последица има поголема концентрација на сол во потта.
