ШТО СÈ ТРЕБА ДА ЗНАЕТЕ ЗА ОВОГОДИНЕШНАТА ВАКЦИНАЦИЈА ПРОТИВ ГРИП: За кого е бесплатна вакцината, каде може да ја примите и како да закажете

Составот на овогодинешната вакцина против грип е во согласност со препораките на Светската здравствена организација за оваа сезона, а се темели на резултатите на континуираното следење на генските и антигенски карактеристики на циркулирачките вируси на грип во претходната сезона.

Министерството за здравство оваа година набави 40.000 дози на четиривалентна вакцина против сезонскиот грип, која како и досега ќе биде бесплатна за лицата кои имаат зголемен ризик од компликации од грипот.

Составот на овогодинешната вакцина против грип е во согласност со препораките на Светската здравствена организација за оваа сезона, а се темели на резултатите на континуираното следење на генските и антигенски карактеристики на циркулирачките вируси на грип во претходната сезона.

ЗА КОИ ГРУПИ Е БЕСПЛАТНА ВАКЦИНАТА?

  • Стари лица (над 65 години)
  • Лица со хронични заболувања
  • Здравствени работници
  • Бремени жени
  • Децата на возраст од 6 месеци до 5 години

КАДЕ ЌЕ СЕ ВРШИ ВАКЦИНАЦИЈАТА?

Според најавите на Министерството за здравство, сезонската имунизација против грип почнува од денес.

СКОПЈЕ

Вакцината ќе може да се прими во шест поликлиники во рамките на ЈЗУ Здравствен дом – Скопје:
  • Поликлиника Ѓорче Петров
  • Поликлиника Букурешт
  • Поликлиника Чаир
  • Поликлиника Бит Пазар
  • Поликлиника Ченто
  • Поликлиника Јане Сандански и во
  • Центар за јавно здравје

ОСТАНАТИТЕ ГРАДОВИ

  • Сите Центри за јавно здравје

КАКО СЕ ЗАКАЖУВА ТЕРМИН ЗА ВАКЦИНАЦИЈА?

Оние граѓани кои ќе сакаат да се вакцинираат против грип, ќе мораат тоа да го направат преку својот матичен лекар. Вашиот избран лекар преку Мој термин ви закажува каде и кој ден ќе може да ја примите вакцината. Назначените пунктови за вакцинација ќе работат од 14 до 19 часот.

КОЛКУ ЧИНИ ВАКЦИНАТА ЗА ОНИЕ КОИ НЕ СЕ ОСЛОБОДЕНИ ОД ПЛАЌАЊЕ?

Оваа година е предвидено комерцијалните вакцини против сезонски грип да ги набавуваат Центрите за јавно здравје, каде и ќе се врши самата имунизација.

Цената изнесува 800 денари. Зголемувањето на цената на вакцината за разлика од мината година е поради тоа што оваа година, набавната цена е 650 денари и се преместуваат дополнителни 160 денари се манипулативни трошоци (потрошен материјал), информираат од Министерството за здравство.

ЗОШТО ДА СЕ ВАКЦИНИРАТЕ ПРОТИВ ГРИП?

Вакцинацијата против грип е најдобриот начин да се намали ризикот од болести и компликации од грипот, кај лица кои  поради здравствената состојба или возраста имаат зголемен ризик од компликации. Исто така, со вакцинирање против грип, покрај лична заштита, можете да заштитите од грип или да ја намалите можноста за пренесување на болеста на друго лице, особено на оние на кои грипот може да биде сериозна болест со компликации, а не можат да се вакцинираат поради некои причини.

ШТО Е ГРИП И КОЈ ИМА НАЈГОЛЕМ РИЗИК ОД КОМПЛИКАЦИИ?

Грип е заболување кое го предизвикува вирусот на инфлуенца и ги зафаќа горните дишни патишта: нос и грло, а во потешките форми и долните дишни патишта – бронхиите. Секоја година со вирусот на грип се заразуваат од 5% до 15% од населението. Кај поголем дел од луѓето, грипот проаѓа како релативно лесно заболување, но одредени лица се изложени на поголем ризик за сериозни компликации кои може да доведат до потреба за болничко лекување, а во некои случаи и до смрт.

Секој може да се разболи од грип (дури и здрави луѓе), а сериозни проблеми поврзани со грип може да се случат на која било возраст.

Како да се заштитите од сезонскиот грип?

Грип (инфлуенца) е заразна респираторна болест предизвикана од вирусот на грип. Може да предизвика блага до тешка болест, а понекогаш може да доведе и до смрт. Грипот е различна од настинка. Грип обично доаѓа наеднаш. Луѓето кои се болни од грип често чувствуваат некои или сите од овие симптоми:

  • Треска
  • Кашлица
  • Воспалено грло
  • Тежок или затнат нос
  • Болки во мускулите или телото
  • Главоболки
  • Замор
  • Некои болни може да имаат повраќање и дијареа, иако ова е почесто кај децата отколку кај возрасните.

Повеќето луѓе кои добиваат грип ќе се опорават за неколку дена или најмногу до две недели, но некои луѓе ќе развијат компликации (како што се пневмонија) како резултат на грип, од нив некои може да бидат опасни по живот и да резултираат и со смрт.

Воспаление на синусите и инфекции на увото се примери на умерени компликации од грип, додека пневмонијата е сериозна компликација на грип која може да настане како резултат на самостојна инфекција со вирусот на грип или од ко-инфекција од вирусот на грип и бактерии. Други можни сериозни компликации предизвикани од грип може да вклучуваат: воспаление на срцето (миокардитис), мозок (енцефалитис) или мускулни (миозити, рабдомиолиза) ткива и мулти-органски оштетувања (на пример, белодробна и бубрежна слабост). Грипот, исто така, може да ги влоши хроничните медицински проблеми. На пример, луѓето со астма може да доживеат напади на астма додека имаат грип, а луѓето со хронични срцеви заболувања може да доживеат влошување на оваа состојба предизвикана од грип.