Можеби чувството на замор или трнење во прстите не ви се чинат како сериозни симптоми, но токму тие може да бидат први симптоми на мултипла склероза.
Оваа болест може да влије на целото тело, од мозокот до прстите на нозете, наведува д-р Барбара Гејсер, професор по клиничка неврологија. Секогаш е потребно да се следи што ни кажува телото, а на промените треба да се реагира и да се посети лекар, особено ако доживувате некои од симптомите во продолжение.
СИМПТОМИ НА МУЛТИПЛА СКЛЕРОЗА
МС може да покажува бројни симптоми бидејќи болеста напаѓа различни делови од нервниот систем, а нешто кое често се случува се нарекува релапс на болеста и се случува кај околу 80% од пациентите, а значи враќање на симптомите или појава на нов, а кога симптомите се повлекуваат, тоа се нарекува фаза на ремисија.
Еве кои симптоми најчесто рано се појавуваат, а ги открива д-р Гејсер:
- Замор: Ова е најчестиот симптом што се јавува. Бидејќи МС е најчесто болест на младите жени, не е невообичаено тие да се жалат дека се многу уморни и тоа да се поврзува со животни обврски. Запомнете дека е важно да го следите вашето тело и да бидете упорни додека не се постави дијагноза.
- Вкочанетост или трнење: Доколку се појавуваат често, но и брзо поминуваат, особено во рацете и нозете, може да биде во прашање вообичаен симптом на МС, но секако дека тоа не мора да биде единствената причина за овие непријатни промени.
- Проблеми со видот: Еден од најчестите први симптоми на болеста може да бидат токму проблеми со видот, а губењето може да се појави на едното или на двете очи. Понекогаш се јавуваат промени во перцепцијата на боите. Ако се јавува и болка кога го движите окото, немојте да го игнорирате, бидејќи може да се работи за МС.
- Слабост: Чувството на слабост може да се појави на едната страна од телото или и на десната и левата страна, особено на нозете.
- Грчеви и вкочанетост: Овој симптом може да се појави во блага или тешка форма кога доаѓа до тешки грчеви, а најчесто се јавува во нозете.
- Проблеми со рамнотежата: МС може директно да влијае на рамнотежата, а губењето или слабоста на видот може само да го влошат.
- Вкочанетост на торзото: Некои луѓе може да доживеат симптом како некој да стегнал појас околу торзото, што е резултат на оштетување на нервите.
- Болка: Порано се сметало дека МС не предизвикува болка, а ако се јавува, дека тоа е во прашање друга болест. Болката може да се појави во форма на грчеви, болни нерви или чувство на болно трнење кое поминува низ телото.
- Зачестено одење во тоалет: Најчесто проблемот се јавува поради честите одења во тоалет или се јавува чувство како да мораат повторно да одат во тоалет бидејќи не го испразниле целосно мочниот меур.
- Сексуални проблеми: МС може да влијае на сексуалноста каде што кај мажите се јавува неможност да се постигне оргазам или еректилна дисфункција. Намаленото либидо може да биде последица.
- Запек: Болеста влијае и на подвижноста на цревата и често се јавува со друг симптом како слабост во екстремитетите.
- Депресија: Според студиите, околу 50 проценти од лицата со МС се борат и со депресија, а анксиозноста е исто така честа појава. Ако не се чувствувате добро психички, задолжително разговарајте со вашиот лекар за да ви помогне со терапија.
- Когнитивни промени: Овие проблеми исто така се случуваат често, а тие можат да се манифестираат така што ќе мора да прочитате нешто неколку пати за да го разберете или имате потешкотии да разликувате зборови и имате кратко помнење.
- Тремор: Рацете или нозете се тресат кога лицето сака да направи нешто со нив. Рехабилитација или техники на медитација можат да помогнат.
- Тешкотии со голтање и говор: Понекогаш болеста предизвикува тешкотии при голтањето, но и со говорот. Ако се работи за МС, тогаш ќе се појават и други симптоми, но добро е секој да се има на ум.
