Што секоја жена треба да знае за јајчниците

Овие, наизглед ситни органи, се многу големи кога станува збор за функцијата која ја извршуваат.

Можеби не сте размислувале многу за јајчниците (освен ако се обидувате да останете трудни), но тие се многу важни органи во телото. Овие, наизглед ситни органи, се многу големи кога станува збор за функцијата која ја извршуваат. Затоа и треба да ги знаете овие четири работи за нив.

Произведуваат многу хормони

Јајчниците лачат естроген и прогестерон, хормони кои се одговорни за развојот на женското тело за време на пубертетот. Овие хормони, исто така се одговорни за подготовка на матката за бременост. И не само тоа – јајчниците помагаат и во одржување на здраво и силно либидо.

Ја менуваат големината

За разлика од повеќето органи, јајчниците не се секогаш со иста големина, бидејќи се менуваат низ различни животни периоди. Од месец во месец, тие се менуваат за време на овулација, што значи дека од време на време растат. Но, тоа е само привремено, бидејќи повторно се намалуваат откако ќе влезете во менопауза.

Може да бидат под стрес

Да, добро прочитавте. Вашите јајчници може да бидат стрес, бидејќи кога телото е под притисок, тие тоа го чувствуваат и тоа влијае на нив. Ако сте доживеале стрес (сте прекинале врска, се чувствувате психички лошо, или сте ослабнале), можно е тоа да се одрази и на јајчниците. Она што е особено важно да се напомене дека во таква ситуација е многу тешко да се реализира посакуваната бременост.

Може да предизикаат промени на телото

Со оглед на тоа дека играат голема и клучна улога во хормоналниот баланс, може да влијаат на раст на влакна на невообичаени места, како и да предизвикаат појава на акни и мозолчиња. Меѓутоа, добра работа е што тоа се решливи проблеми, ако на време се обратите на доктор.