ШТО ВЕЛАТ СТРУЧЊАЦИТЕ: Еден, два или три… Колку пати можеме да добиеме КОВИД-19?

Иако сите се надеваме дека имаме имунитет, никој реално не е имун на коронавирусот.

Сте ја прележале болеста и сега мислите дека сте непобедливи, а особено и ако сте се вакцинирале?

За жал, ситуацијата не е таква, стручњаците велат дека не сте безбедно подари горенаведеното, но ако не сте вакцинирани, ризикот е уште поголем. Специјалистот за инфективни болести, д-р Франк Еспер одговара на некои важни прашања на оваа тема и советува како е најдобро за се заштитиме.

ЗОШТО ЛУЃЕТО МОЖАТ ПОВТОРНО ДА СЕ РАЗБОЛАТ?

Д-р Еспер посочува дека оваа година се забележани многу повеќе повторни инфекции, што не е изненадувачки.

Центарот за контрола и превенција на болести (ЦДЦ) вели дека реинфекција се случува, но не така често, но д-р Еспер наведува зошто доаѓа до неа.

Пандемијата веќе долго трае, а поголем дел од луѓето заболеле минатата година, а сите знаеме дека имунитетот слабее по одредено време. Истото важи и за вакцината – заштитата се намалува по одреден период.

Луѓето веќе не се толку претпазливи – посетуваат разни случувања, патуваат, но и помалку носат маски, не ги мијат често рацете – се што може да гии заштити од вирусот, а новите варијанти се многу заразни.

ДАЛИ НОВИТЕ СОЕВИ СЕ ОДОГОВРНИ ЗА ПОВТОРНА ИНФЕКЦИЈА?

Д-р Еспер смета дека тоа не мора да биде главната причина, бидејќии коронавирусот не мутира толку често како вирусот на грип, па всушност во прашање е тоа колку тој вирус е многу заразен.

“Делта сојот е исклучително заразен, а тоа го вклуува и фактот што може да го нападне имуниот систем и да спречи долготраен имунитет кај лица кои биле заразени – затоа е толку отпорен и постојано се враќа“, додава докторот.

КОЈ Е ВО РИЗИЧНА ГРУПА ОД ПОВТОРНА ИНФЕКЦИЈА?

Знаеме дека сите може да бидеме под влијание на оваа болест и секој може да ја добие, а важно е да се знае дека за тоа уште многу се учи. Но, лекарите сепак знаат дека некои групи се позагрозени од останатите.

ВАКЦИНИРАНИТЕ ИМААТ НАЈМАЛ РИЗИК ОД РЕИНФЕКЦИЈА

Иако вакцинираните лица можат повторно да ја добијагт болеста, шансите се многу помали отколку кај оние кои не се вакцинирани. Податоците покажуваат дека помалку од 0.005 проценти од ревакцинираните лица во САД доживеале повторна инфекција која резултирала со хоспитализација и смртен исход, а оние кои и ја прележале болеста имаат уште помали шанси дека пак ќе се разболат.

РИЗИЧНА ГРУПА СЕ НЕВАКЦИНИРАНИТЕ ЛИЦА

“Вирусот може да го надмине имунитетот и да предизвика втора инфекција. Истражувањата укажуваат дека вакцините нудат подолга заштита од фактот дека сте ја прележале болеста“, додава д-р Еспер.

Имунокомпромитираните лица се во ризична група од повторување на инфекцијата. Токму поради тоа што се во ризична група, понудена е бустер вакцина за лица кои се имунокомпромитирани.

“Знаеме дека овие лица имаат послаб одговор на вакцината и полесно кај нив ќе се повтори заразата. Бустер дозата е направена за да се намали таа можност“, објаснува докторот.

КОЛКУ СМЕ ЗАШТИТЕНИ ПО ПРЕЛЕЖАНА БОЛЕСТ

За жал, струката се уште не го знае точниот и дефинитивен одговор, но истражувањата се во тек.

„Можеме да кажеме дека лице ретко ќе се зарази 60 или 90 дена откако ќе ја прележи болеста“, додава д-е Еспер. Повторно, се работи за намалување на стекнатиот имунитет кој по некое време, нема да ве заштити од вирусот.

ВИРУСОТ МОЖЕ И ПОНАТАМУ ДА СЕ ШИРИ

Само затоа што се чувствувате добро, не значи дека повторната инфекција не може да ви се случи вам и дека вирусот не можете да го ширите на други. Вашата претходна инфекција може да спречи вие да се чувствувате лошо, но тоа не значи дека не можете да се заразите и дека не можете да го ширите вирусот.

ВАКЦИНИТЕ ДЕЛУВААТ

Повторувачките инфекции не значат дека вакцините не се ефикасни.

Многу се зборува против вакцините, а лицата кои не сакаат да се вакцинираат, реинфекциите ги наведуваат како причина зошто не сакаат да примат вакцина. Но, сигурноста и придобивките од вакцините се многу големи, а ризикот од примање на вакцина е многу мал, додава д-р Еспер.

“Ако дадеме пеницилин на 170 милиони лица, многу од нив би завршиле во болница. Но, тоа не значи дека вакцината е лоша, туку значи дека ако дадете вакцина на сите, сигурно ќе има и такви кои лошо ќе реагираат на неа. Ниту еден ‘лек’ не е стопроцентно сигурен“.


КОЛКУ ЛИЦА ВО МАКЕДОНИЈА БИЛЕ РЕИНФИЦИРАНИ?

Според последните податоци на Институтот за јавно здравје:

“Во текот на мината недела вкупно се пријавени 49 реинфекции, со зголемување од 28,9% во однос на претходната недела. Заклучно со 07.11.2021 вкупно се регистрирани 785 реинфекции (една втора реинфекција). Од пријавените случаи на реинфекција, 7 завршиле со смртен исход“, се наведува во последниот извештај на Институтот.