Научниците во Кина анализирале податоци на пациенти заболени со КОВИД-19 и забележале една интересна работа – многу мал број на пациенти имале проблем со диоптрија, односно со кратковидност.
Во една болница во Суижоу во Кина, 276 пациенти биле примени за 47 дена, а од нив само 16 (помалку од 6%) имале кратковидност, ослабеност на видот кој налага носење очила и до осум часа дневно. По откривањето на овие податоци се поставува прашањето – можат ли диоптриските очила да нудат заштита од коронавирусот?
“Во Кина многу луѓе носат диоптриски очила, но со следење на развојот и симптомите на коронавирусот во Вухан, забележавме дека се хоспитализираат многу мал број на пациенти кои ги носат, а тој податок може да биде доказ дека очилата штитат од инфекција“, велат авторите на истражувањето.
Стручњаците велат дека се уште е многу рано да се донесуваат такви заклучоци, а особено да им се препорачува на луѓето да почнат да носат очила покрај маските, за да се заштитат, но се сложуваат дека ова тврдење не е целосно неточно. Не е невозможно стаклото од очилата да нуди некаков вид на бариера и да ги штити очите од контакт со бактерии кога се кива или кашла. Покрај тоа, се претпоставува дека лицата кои носат очила помалку ги допираат очите и лицето, па со самото тоа и помалку пренесуваат бактерии.
“Мислам дека оваа претпоставка е многу интересна и дека дефинитивно треба да се работи на нејзино истражување“, смета проф. д-р Томас Стеинман од Американската академија за офталмологија.
“Носењето очила не може да ви наштети, но дали е потребно сите да почнат да ги носат? Веројатно не. Доволно е носењето заштитна маска“, смета професорот.
