Дали спаѓате во оние луѓе кои едноставно не можат да дочекаат да го облечат новото парче облека? Тоа е потполно разбирливо, но секое ново парче облека, кое сте го купиле, потребно е најпрво да се испере, порачуваат стручњаците. Имајте на ум дека не сте први кои го пробале тоа парче облека.
Дерматологот Доналд Белсито од Медицинскиот центар на Универзитетот Колумбија, рекол дека видел случаи кога вошки и габи од човек преминале на облеката и ја пренеле на лице кое ја облекло таа облека без претходно перење. Белсито, како дерматолог, лекувал пациенти кои со носење на неиспрана облека заболеле и од шуга.
Поради ова, загрижуваат резултатите на од една неодамнешна анкета која покажала дека дури 73 % од луѓето, својата облека не ја перат откако ќе ја купат.
Не се само вошките и габите, и други инфекции се закана за здравјето. И хемикалиите од облеката кои остануваат по производството, може да предизвикаат иритација на кожата или чешање.
