Ракот на простата потекнува од жлезденото ткиво на простатата – жлезда со оревест облик која произведува семена течност и има улога во излачувањето сперма. Туморот обично се развива бавно така што некои мажи со години не забележуваат никакви знаци на болеста. Освен што главниот симптом е тешкотија во мокрењето или крв во урината – кои се јавуваат кога болеста напредува; еден од знаците е промена во рутината на спиење.
Како што објаснила Светската здравствена организација, симптомите на простата обично се јавуваат кога простатата е доволно зголемена да има влијание врз мочната цевка која спроведува урина од мочниот меур до пенисот. Кога тоа ќе се случи, се јавуваат низа симптоми како што е и ноктуријата.
Кај личностите кои патат од ноктурија, се јавува неконтролирана потреба за мокрење која ги буди од сон.
Зголемената потреба за уринирање е знак за аларм, така што ако чувствувате дека морате да станувате во текот на ноќта за да одите во тоалет, повеќе од вообичаено, тоа може да е знак за смртносното заболување.
Другиот симптом кој, исто така, ја попречува рутината е уморот. Но не обичниот умор, туку екстремното чувство на исцрпеност кое не поминува, дури и кога личноста ќе се одмори убаво. Уморот е честа појава кај мажите кои имаат рак на простата.
