Многу луѓе од незнаење игнорираат некои симптоми и со тоа го загрозуваат своето здравје. Не се доведувајте себеси во ваква ситуација и овие симптоми не ги игнорирајте!
Притисок во вилицата
Кога личноста доживува инфаркт не се јавува секогаш болка во градите – притисокот во вилицата или болката во вратот, екстремен умор и мачнина, исто така, може да се симптоми.
Отечени усни
Отечени усни и чешање може да се знак на анафилактичен шок – најсмртоносна алергиска реакција.
Отежнат говор
Отежнатиот говор или „мешањето“ на зборовите може да се знак за мозочен удар. Може да се јави и „паѓање“ на едната страна од лицето, вкочанетост на една страна од телото или ненадејна силна главоболка.
Ненадеен блесок на светлина
Ако овој симптом се јави ненадејно, треба веднаш да реагирате. Можно е да постои оштетување на мрежницата, реагирајте и спасете го видот.
Нокти кои изгледаат „чудно“
Бледи нокти се поврзуваат со анемија, срцеви проблеми или болести на црниот дроб; додека сини нијанси може да се знак дека немате доволно кислород, односно укажуваат на проблеми со срцето или белите дробови.
Промени во ракописот
Ова може да е знак за невролошки проблем како Алцхајмерова или Паркинсонова болест, па дури и тумор на мозокот.
Болка во папокот
Таа значи проблеми со варењето или стомачен вирус, а ако не престанува и после неколку часа може да е знак за воспаление на слепото црево, воспаление на жолчка, опструкција на цревата или чир.
Ноќна кашлица
Кашлицата во текот на ноќта може да е ран знак за срцеви проблеми, а можно е и насобирање на течност во белите дробови.
Вкочанетост на едната рака
Чувството како некој да ве боцка со игла по едната рака кое трае подолго од 30 минути, особено ако е проследено со вртоглавица или мачнина, може да е симптом на срцев удар.
Претерано потење ноќе
Освен ако не сте во менопауза, ненадејното ноќно потење не е нормално и може да е симптом на карцином на црева, лимфом или леукемија.
Брзо се заситувате, а малку јадете
Губењето на апетитот може да е ран знак за рак на јајниците, особено ако со ова уште се јавува и надуеност, болка во карлицата, проблеми со бешиката.
Упорен рапав глас
Ако трае подолго од три недели може да е знак за рефлукс, а може да е и ран знак за карцином на грло.
Необјасниво губење на телесна тежина
Не сте направиле никаква промена во исхраната, а слабеете – тоа може да е симптом на бројни здравствени проблеми, вклучително и карцином.
