Кроновата болест е воспаление на дигестивниот тракт, а еве кои симптоми укажуваат на ова заболување. Кај Кроновата болест ѕидовите на цревата стануваат здебелени и внатре во цревата се појавуваат ранички, па дури и фистули. Од ова заболување најзагрозени се пушачите и лицата со пореметена рамнотежа на бактериите во цревата.
Симптоми:
- Болка во стомакот
- Промени во столицата (дијареа и крв во столицата)
- Замор
- Малаксалост
Меѓутоа, некои симптоми поинаку се манифестираат кај различни лица, па така едно лице може нагло да ја намали телесната тежина, додека друго лице кое исто така боледува од Кронова болест, нема да има осцилации во телесната тежина. Исто така, се јавуваат симптоми како зголемена телесна температура, болки во зглобовите и повраќање.
