Јодот е елемент во трагови кој е клучен за многу животни функции заради тоа што учествува во производство на хормоните на штитната жлезда- главната енергетска жлезда која ја регулира работата на сите клетки. Јодот е важен и за работата на имунолошкиот систем и за бременоста. Според некои истражувања, во текот на бременоста доволните количини јод се важни за нормален коефициент на интелигенција на детето.
Јодот, исто така има и антибактериско, антивирусно и антигабично дејство, па се користи како антисептик и дезифициенс.
За жал, една третина од светската популација е под ризик од недостаток на јод во организмот. Најкритични групи се:
- Бремените жени
- Жителите на земјите каде што солта содржи премалку јод
- Лицата кои не јадат сол
- Вегетаријанците и веганите
Гушавоста или зголемувањето на штитната жлезда е меѓу најчестите симптоми на недостатокот на јод, а се припишува на недостатокот на јодот во исхраната. Недостатокот со време може да доведе до хипотиреоза или намалено лачење на хормонот на штитната жлезда, но и со хипертиреоза или претерана активност на тироидеата. Недостатокот на овој минерал може да предизвика непријатни, а понекогаш и многу сериозни симптоми.
Симптомите на недостатокот на јод најчесто се манифестираат како:
- Отекување на предниот дел од вратот
- Дебелеење-недостатокот на јод го забавува метаболизмот и го поттикнува телото да ја претвора храната во масно ткиво наместо да ја троши како енергија
- Замор и слабост-се јавуваат заради тоа што на телото му недостасува минералот
- Опаѓање на косата
- Тешкотии со меморијата
- Сува кожа
